ସ୍ମୃତିର ମହକ

ଦିନ ଯାଏ ଚାଲି ରାତି ଯାଏ ଚାଲି

ତୁମର ତ ଦେଖା ନାହିଁ

ତୁମରି ସ୍ମୃତିକୁ ପଣତେ ବାନ୍ଧିଛିି

ମନ ଭୁୁୁୁଲାଇବା ପାଇଁ ।

ପଶ୍ଚିମବଙ୍ଗର ଗଙ୍ଗା ନଦୀ କୂଳ

ଆମର ଅମୂଲ୍ୟ ସ୍ମୃତି

କେତେ ସ୍ଵପ୍ନ ରଖି ଭବିଷ୍ୟତ ଭାବି

ବସି ଥିଲ ମୋର ଅତି ।

ବଉଦ ଉହାଡୁ ଜହ୍ନ ହସୁଥିଲା

ଆମ ପ୍ରେମ ଛବି ଦେଖି

ଲାଜୁଆ ଆଖି ମୋ ନଇଁ ଯାଉ ଯାଉ

ଅନୁଭବେ ଭାସି ସୁଖି ।

ମନର କଥାକୁ ଗୋପନେ ସାଇତି

ପାଲଟେ କୁସୁମ ଚାରା

ସ୍ମୂତି ବୃୃକ୍ଷେ ମୋର କଳି ଦେଖା ଦିଏ

ଡେଣା ଝାଡେ ମନ ପାରା । 

ଜାହ୍ନବୀ ସ୍ରୋତର କୁଳୁକୁଳୁ ସ୍ଵରେ

ନାଚୁ ଥିଲା ମୋର ମନ

ତୁମରି କୋଳରୁ ବିିିିକଶିତ ହୋଇ

ଝରୁ ଥିଲା ପୁୁଷ୍ପ ସ୍ଵପ୍ନ ।

ନିରୋଳା ସାଜିଛି ଆଜି ଏଇ ସ୍ଥାନ

ଅଛି ଖାଲି ତୁମ ସ୍ମୃତି

ସେହି ଦରପଣେ ନିତି ଦେଖୁଛି ମୁଁ

ତୁମରି ପ୍ରେମର ମୂର୍ତ୍ତି ।