ସ୍ମୃତି
ସ୍ମୃତି
ସ୍ମୃତି ଫରୁଆରେ ମୋତି
ସ୍ନେହ ଶ୍ରଦ୍ଧା ଆଉ ପ୍ରିତୀ
ମାନ ସମ୍ମାନ ଅଭିମାନ
ଯୌବନର ଦହନ କମ୍ପନ
ସାଇତା ଫରୁଆରେ କୃତି
ଜୟ ବିଜୟ ଅବା ପରାଜୟ
ଶିକ୍ଷା ଦୀକ୍ଷା ନୀତି ସଂସ୍କୃତି
ହୃଦୟ ଫରୁଆ ସ୍ମୃତି
ଅଫିଟା ଫରୁଆରେ କେବେ ଭୀତି
ପୁଣି ଥାଏ ସ୍ମୃତି ସରହଦ ଜାଗୃତି
ଟିକିଏ ସ୍ନେହ ଚିମୁଟେ ଶ୍ରଦ୍ଧା
ରଖେ ସେ ଫରୁଆ ସାଇତି
କେବେ ଜଳେ ହୃଦୟରେ
ଅବା ମାନସ ପଟରେ କେବେ କେମିତି
ଜୁଇକି ଯିବା ପୁର୍ବରୁ ଲିଭେନା ସ୍ମୃତି ବତୀ
ଅଜାଣତରେ କୁଇରେ ଜଳେ ସେ
ନିଜ ସାଥେ ଯାଏ ସେତିକି ସ୍ମୃତି ପୋଥି
ଏକାନ୍ତ ନିଜର ଆପଣାର ଅତି ହୁଏନା ଇତି
ଭାଗ ନାହିଁ କାର ସେତିକି ଶ୍ରେଷ୍ଠ ସମ୍ପତ୍ତି
ଶୁଣିବା ଲୋକର ଧାର୍ଯ୍ୟ ଥାଏ ଯଦି
କେବେ ଖୋଲି ଦେଇ ସ୍ମୃତି କହୁଥାଏ ସାଥୀ
ତୁମେ ମୋ ସଜୀବ ସିଏ ତ ନିର୍ଜୀବ
ଦୁହେଁ ଏକାନ୍ତ ନିଜର ହେବନି ବାଣ୍ଟି ସମ୍ପତ୍ତି