ଲାଇବ୍ରେରୀ
ପ୍ରୋଫାଇଲ୍
ସମ୍ପର୍କର ନଦୀ ତୀର
ସମ୍ପର୍କର ନଦୀ ତୀର
1 min
278
ଭାବିଥିଲି ମନେ
ଦେଖାହେଲେ ତୁମେ
କହିଦେବି ମନ ଖୋଲି
ଜୀବନ ଯନ୍ତ୍ରଣା
ହୃଦୟ କଳ୍ପନା
ଲୁହ ହୋଇ ଯିବ ବହି ।
ଆଖି ପଲକରୁ
ପଢିନେବ ତୁମେ
ଅକୁହା ଅଲେଖା ଗାଥା
ଭରିଯିବ କ୍ଷତ
ତୁମରି ପରଶେ
ଅୟୁତ ଜନ୍ମର ବ୍ୟଥା ।
ତୁମରି ଅଧରୁ
ହସ ଟିକେ ନେଇ
ବଞ୍ଚିଯିବି ହସି ହସି
ଦୁଃଖ ଲୁହ ଯେତେ
ଭୁଲିଯିବି ମନୁ
ସାଜି ହୃଦୟ ପ୍ରେୟସୀ ।
ମାଗିନାହିଁ କେବେ
ଶ୍ରାବଣ ବରଷା
ଶୀତଳ ପରଶ ତାର
ଫଗୁଣ ମହକ
ଖୋଜିନି ବି କେବେ
ସ୍ବପ୍ନ ଦେଖି ବସନ୍ତର ।
ତୁମେ ଥିଲେ ସାଥେ
ନିଦାଘ ବଦଳେ
ବସନ୍ତ ଆସଇ ଚାଲି
ମେଘ ଭରା ନଭେ
ଜୋଛନା ଢାଳଇ
ଜହ୍ନ ହୃଦୟ ଖୋଲି ।
ହୃଦୟ ଭାବନା
ହୃଦୟ ହିଁ ବୁଝେ
ଆନ କେ ପାରେନି ବୁଝି
ଆଖିର ଭାଷାକୁ
ପଢେ ସିନା ଆଖି
କ୍ଳେଶ ଯାଏ ଦୂରେ ହଜି ।
ଭାବିଥିଲି ମନେ
ଦୁନିଆ ଭିଡରେ
ତୁମେ ବେଶୀ ଆପଣାର
ତୁମ ଚାରିପଟେ
ଗୋପାଙ୍ଗନା ମେଳ
ପରିଚୟ କାହିଁ ମୋର ।
