ସମ୍ପର୍କ

ସମୟ ଥିଲା ସୂଯୋଗବି ଥିଲା

ତୁମେ କହିଥାଆନ୍ତ

ଛୋଟ ରୂପଟିଏ ଦେଇଥାନ୍ତ

ଆମ ସମ୍ପର୍କକୁ

ହେଲେ ତୁମେ କହିଲନି କିଛି

ମୁଁ ବି ଚୁପ୍

ଅନିଚ୍ଛା ରେ ମୁଣ୍ଡପାତି

ସହିଗଲି ସବୁକିଛି

ପରସ୍ପର ଛନ୍ଦିହେଲେ

ଜଟିଳତାରେ

ଆହୁରି ଗଭୀର ଜଟିଳତାରେ

ବର୍ଷ ବର୍ଷ ବିତିଗଲା

ମନର ମଣିଷଟିପାଇଁ

ଅକୁହା କଥାତକ

ସାଇତା ହୋଇଥାଏ

ସମାଜ ଓ ସାଥିଙ୍କର

ଆତ୍ମିୟତାରେ

ସଭିଙ୍କୁ ଭଲପାଇବା

ଉଦାର ହୃଦୟରେ

ସବୁକିଛି ବାଣ୍ଟିଦେବା

ନିଃଶବ୍ଦ ସମ୍ପର୍କକୁ

ଏକ ଜୀବନ୍ତ ରୂପଦେବା

ଗୋଟିଏ ମୁହୂର୍ତ୍ତରେ

ସମ୍ପର୍କ ଟେ

ଗଢ଼ା ଯାଇପାରେ

ଭଙ୍ଗା ଯାଇପାରେ