ସମ୍ବିଧାନ ସଂଶୋଧନ(ଧାରା 370)
ସମ୍ବିଧାନ ସଂଶୋଧନ(ଧାରା 370)
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଗୋଟିଏ ଦେଶରେ ଦୁଇଟି ଆଇନ
ଦୁଇ ଭିନ୍ନ ସମ୍ବିଧାନ ।
ଚଳିବ ନାହିଁରେ ଦୁଇଟି ପତାକା
ଦୁଇ ଦୁଇଟା ପ୍ରଧାନ ।।
ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀଙ୍କ
ଦେଶପାଇଁ ଏ ସ୍ଲୋଗାନ ।
ବ୍ୟର୍ଥ ଯାଇନି ସେ ଅମର ଆତ୍ମାର
ଦେଶସ୍ୱାର୍ଥେ ବଳିଦାନ ।।
ଉଚ୍ଛେଦ ହୋଇଛି ଜମ୍ମୁ ଓ କାଶ୍ମୀର
ସ୍ୱତନ୍ତ୍ର ରାଜ୍ୟ ମାନ୍ୟତା ।
ଅକ୍ଷୁଣ୍ଣ ରହିଲା ସାର୍ବଭୌମତ୍ୱ ଓ
ଭାରତର ଅଖଣ୍ଡତା ।।
ଜମ୍ମୁ ଓ କାଶ୍ମୀର ଲଦାଖ ଦୁଇଟି
କେନ୍ଦ୍ରଶାସିତ ଅଞ୍ଚଳ ।
ନାମରେ ନାମିତ ହୋଇବେ ଦେଶରେ
ବଦଳି ଦେଶ ଭୂଗୋଳ ।।
ଅଖଣ୍ଡ ଭାରତ ବାଜପେୟୀଜୀଙ୍କ
ଥିଲା ଦିନେ ଯେଉଁ ସ୍ୱପ୍ନ ।
ସାକାର ହୋଇଲା ମୋଦିଜୀ ଶାସନେ
ବଢିଲା ତାଙ୍କ ସମ୍ମାନ ।।
ଧ୍ୱଂସ ହେଲା ଏକ ବିଧର୍ମୀ ସାମ୍ରାଜ୍ୟ
ଜମ୍ମୁ ଓ କାଶ୍ମୀର ରାଜ୍ୟରେ ।
ଆତଙ୍କବାଦର ଚରାଭୂଇଁ ଆଉ
ରହିବନି ସେହିଠାରେ ।।
ଦେଶଭକ୍ତଙ୍କର ସ୍ୱପ୍ନ ଆଉ ତ୍ୟାଗ
ଶହିଦଙ୍କ ବଳିଦାନ ।
ବ୍ୟର୍ଥ ଯାଏନିରେ ଦେଶଦ୍ରୋହୀମାନେ
ଇତିହାସ ସାକ୍ଷୀ ଜାଣ ।।
ସ୍ୱାର୍ଥାନ୍ୱେଷୀ ଗୋଷ୍ଠୀ ଦୋମୁହାଁ ନେତାଙ୍କ
ରାଜୁତିର ହେଲା ଶେଷ ।
କୁମ୍ଭୀର କାନ୍ଦଣା ଶୁଭିବନି ଆଉ
ଶୁଣିବନି ଆଉ ଦେଶ ।।
ଭୂସ୍ୱର୍ଗ ହସିବ ନୂଆ ଆଲୋକରେ
ନୂଆ ଇତିହାସ ରଚି ।
ଶାନ୍ତି ପ୍ରଗତିର ଦୁନ୍ଦୁଭି ବାଜିବ
ଜନତା ଉଠିବେ ନାଚି ।।
ତ୍ରିରଙ୍ଗା ଉଡିବ ଜମ୍ମୁ କାଶ୍ମୀରରେ
ଏକତାର ମନ୍ତ୍ର ଗାଇ ।
ଭାରତର ଗଣତନ୍ତ୍ର ବାର୍ତ୍ତା ଦିଏ
ଐକ୍ୟ ଅଖଣ୍ଡତା ପାଇଁ ।।