ସ୍ମାର୍ଟଫୋନ୍

ସୂଚନା ପ୍ରଯୁକ୍ତି   ବିଦ୍ୟାବଳେ ଯାହା

ସୁଲଭ ହେଲାଣି ଏବେ

ମନେ ପଡୁନାହିଁ    ଚିଠି ଟେଲିଗ୍ରାମ

ବ୍ୟବହୃତ ଥିଲା କେବେ ।

ତାରଯନ୍ତ୍ର ପରେ     ଦୂରଭାଷ ଯନ୍ତ୍ର

ଲାଗିଗଲା ଘରେ ଘରେ

କଥାବାର୍ତ୍ତା ହେବା  ସହଜ ହୋଇଲା

ଦୂରସ୍ଥାନୁ ଥରେ ଥରେ ।

ଦେଶ ବିଦେଶରୁ    ସମ୍ପର୍କ ବଢିଲା

ସମସ୍ତ ପ୍ରକାର କାମେ

ଲୋଡ଼ା ହେଲାନାହିଁ ଡାକବାଲା ଆଉ

ଯିବାକୁ ନଗରଗ୍ରାମେ ।

ଭ୍ରାମ୍ୟଭାଷ ଭଳି  କ୍ଷୁଦ୍ର ଟେଲିଫୋନ

ପ୍ରଚଳନ ଯେବେ ହେଲା

ସେଇଠୁ ଆଗକୁ     ବିକଶିତ ଏହି

ସୂଚନା କ୍ରାନ୍ତିର ବେଳା ।

ସ୍ମାର୍ଟଫୋନ୍ ନାମେ   ଅତି ଆଧୁନିକ

ସ୍ପର୍ଶକ ପରଦା ତଳେ

ଏତେ ଯେ ପ୍ରୟୋଗ କମ୍ପ୍ୟୁଟର ଭଳି

ଇସାରା ପାଇଲେ ଚଳେ ।

ମନୋରଞ୍ଜନର    ସାମଗ୍ରୀ ସହିତ

ଯେତେ ଯାହା ଉପଲବ୍ଧ

ଦିନକୁ ଦିନ ଏ'    ନୂଆ କାରନାମା

କଲାଣି ସଭିଙ୍କୁ ସ୍ତବ୍ଧ ।

ଅସାଧୁ କାମରେ  ଅପଯୋଗ ଦ୍ଵାରା

ସମାଜରେ ହୁଏ କ୍ଷତି

ଏଥିରୁ ନିର୍ଗତ     ବିକିରଣ ଯୋଗୁଁ

ବିପଦ ପ୍ରାଣୀଙ୍କ ପ୍ରତି ।