Library
Profile
"ସମାଲୋଚନା"
"ସମାଲୋଚନା"
1 min
4
ସ୍ୱୟଂ ଈଶ୍ୱରଙ୍କର ବି ରହିଛନ୍ତି ନିନ୍ଦକ
କୃଷ୍ଣଙ୍କୁ କହିଲେ ନବନୀ ଚୋର /
ରାମଙ୍କୁ କହିଲେ ଜନକଜା ତ୍ୟାଗକର
ଶିବଙ୍କୁ କହିଲେ ଶ୍ମଶାନଚାରୀ ଈଶ୍ୱର//
ଯେ ରଚିଲେ ସମଗ୍ର ବ୍ରହ୍ମାଣ୍ଡ
ତାଙ୍କ କର୍ମରେ ବି ମର୍ତ୍ୟେ ଦୋଷ ଅନ୍ୱେଷଣ/
ଯେ ଦେଲେ ଜୀବନ, ଯେ ଦେଲେ ମୋକ୍ଷ
ତାଙ୍କ ଲୀଳାକୁ ବି ମାନବ କରେ ବିତର୍କ//
ତେବେ ମନୁଷ୍ୟ ତ ଅତି ତୁଚ୍ଛ
ଆମ୍ଭେ କି ଦେବତୁଲ୍ୟ?
ନିର୍ଦୋଷ ହୋଇ ବି ଉଠେ ଅଙ୍ଗୁଳି
ସୁକର୍ମରେ ବି ଖୋଜାଯାଏ ତ୍ରୁଟି//
ହାସ୍ୟରତ ଜନକୁ କୁହନ୍ତି ଗର୍ବିତ
ଅଶ୍ରୁସିକ୍ତ ଜନକୁ କୁହନ୍ତି କାତର/
ନୀରବ ରହିଥିବା ଜନକୁ କୁହନ୍ତି ଅଭିମାନୀ
ବାକ୍ୟବାଣୀ ଜନକୁ କୁହନ୍ତି ବାଚାଳ//
ତେଣୁ ହେ ମନ... ଲୋକାପବାଦ ତ୍ୟାଗ
କର୍ମ କର ନିଷ୍କାମ ନିଷ୍ଠାରେ/
କାରଣ ସୃଷ୍ଟିକର୍ତାଙ୍କର ବି ହୁଏ ନିନ୍ଦା
ତ୍ୱଂ ତ କେବଳ ନିମିତ୍ତ ମାତ୍ର//
Priyanka Panda
