"ନିମିତ୍ତ ମାତ୍ର"

‎ଯଶ ଆସେ ଯାଏ, ଅପଯଶ ବି ତଥୈବ  
‎ପ୍ରଶଂସା ଓ ନିନ୍ଦା ଦୁଇଟି ଯାକ ମାୟା/
‎ପରଦା ଉଠେ, ପରଦା ପଡେ  
‎ଆମ୍ଭେ କେବଳ ନିମିତ୍ତ ମାତ୍ର//
‎
‎ମଞ୍ଚ ଶୂନ୍ୟ ହେଲେ ରହେ କେବଳ ସ୍ମୃତି
‎ତାଳି ନିରବ ହେଲେ ରହେ କେବଳ କାହାଣୀ/  
‎ଆଲୋକ ଲିଭିଗଲେ ବି ରହେ ଛାୟା  
‎ଏଇ ତ ସଂସାରର ନିୟମ//
‎
‎ଅଭିନୟ ଅବସାନେ ରହେ କେବଳ କର୍ମ
‎ସଂଳାପ ଶେଷେ ରହେ କେବଳ ଧର୍ମ/
‎ବେଶ ଖୋଲିଗଲେ ରହେ କେବଳ ଆତ୍ମା  
‎ବାକି ସବୁ କ୍ଷଣିକର ଭ୍ରମ//
‎
‎ତେଣୁ କର ଉତ୍ତମ ଅଭିନୟ ହେ ମନୁଷ୍ୟ 
‎ସତ୍ୟ ଓ ସତ୍ୟତାର ପାତ୍ର ହୋଇ ରୁହ/
‎ହୃଦୟରେ ଦୟା, ବାଣୀରେ ମଧୁ ରଖ  
‎କର୍ମରେ ନିଷ୍କାମ ଭାବ ବହ//
‎
‎କାରଣ ଦର୍ଶକ ଆସନରେ ବସିଛନ୍ତି ଈଶ୍ୱର
‎ସେ ଦେଖୁଛନ୍ତି ତୋ ପ୍ରତି ପଦକ୍ଷେପ/
‎ସେ ଲେଖୁଛନ୍ତି ତୋ ପ୍ରତି କର୍ମର ହିସାବ  
‎ତେଣୁ ଅଭିନୟ ନୁହେଁ, ଜୀବନ ଯାପନ କର//
‎
‎
‎
Priyanka Panda