ଶ୍ୟାମ ତୋର କେତେ ନାମ
ଶ୍ୟାମ ତୋର କେତେ ନାମ
ନମଃ କୃଷ୍ଣ ବାସୁଦେବ ଦେବକୀନନ୍ଦନ
ନନ୍ଦର ନନ୍ଦନ ପ୍ରଭୂ ଯଶୋଦା ଜୀବନ l
ଶ୍ରୀଗୋପାଳ ଚୁଡ଼ାମଣି ଗୋକୁଳର ଚନ୍ଦ୍ର
ଗୋବିନ୍ଦନାମ ରଖିଲେ ଦେବରାଜ ଇନ୍ଦ୍ର l
ଗୋକୁଳ ରଖିଲ ଟେକି ଗୋବର୍ଦ୍ଧନ ଗିରି
ଇନ୍ଦ୍ର ବିବାଦେ ବହିଛ ନାମ ଗିରିଧାରୀ l
ପିତାମ୍ବରୀ ପାଟ କାଛେ ନାମ ପିତାମ୍ବର
ଦାମ ଉଦରେ ବହିଛ ନାମ ଦାମୋଦର l
ବୈକୁଣ୍ଠ ବିହାରୀ ଲାତେ ଶ୍ରୀବତ୍ସ ବ୍ରାହ୍ମଣ
ସନାତନ ନାମ ତୋର ଶ୍ରୀବତ୍ସ ଲାଂଛନ l
ପୁତ୍ର ଉପଚାରେ ଡାକି ଅଜାମିଳ ପାପୀ
ନମଃ ନାରାୟଣ ତାରୁ ମହା ମହାପାପୀ l
କୃଷ୍ଣନାମ ଉଚ୍ଚାରିଲେ ଖଣ୍ଡେ ପାପ ଯେତେ
ପାପୀ ନକରିପାରଇ କେବେ ପାପ ତେତେ l
ଧରାଭାର ଉଶ୍ବାସିଲ ହେ ଶ୍ୟାମ କଂସାରୀ
ମଧୁକୈଟ ଦୈତ୍ୟ ବଧି ମଧୁ କୈଟଭାରି l
ଗୋପିଙ୍କୁ ଅନାଥକରି ନାମ ଗୋପୀନାଥ
ଜଗତରେ ଡାକ ପଡ଼େ ନାମ ଜଗନ୍ନାଥ l
ଗୋପୀଙ୍କ ମନ୍ଦିରେ ପଶି ଛିଡ଼ାଇଲ ଶିକା
ମାଖନଚୋର ଗୋପିଙ୍କ ଚତୁରି ରାଧିକା l
ଭାରତ ଯୁଦ୍ଧେ ଚାଳିଲ ପାର୍ଥର ସ୍ୟନ୍ଦନ
ପାର୍ଥସାରଥୀ ପାର୍ଥକୁ ଦେଲ ଗୀତାଜ୍ଞାନ l
ଦ୍ରୁପଦନନ୍ଦିନୀ ଡାକେ ଆହେ ଆର୍ତ୍ତତ୍ରାଣ
ପାଣ୍ଡଵ ସଖା କେଶବ ଫେଡ଼ିଲ କଷଣ l
ସୁଦାମାର ସାଥେ ମୈତ୍ର ଯାମଳାଭଞ୍ଜନ
ଶକଟା ଭଞ୍ଜା ମୁରାରୀ ଦାରିଦ୍ର୍ୟ ଭଞ୍ଜନ l
ଜଗବନ୍ଧୁ ବନ୍ଧୁ ପଣେ ପଡ଼ା ମାଗି ଗଲ
ଗରବ ଗଞ୍ଜନ କେତେ ଗଞ୍ଜଣା ସହିଲ l
ଦ୍ଵାରକାକୁ ପଳାଇଲ ଜରାସନ୍ଧେ ଡରି
ରଣଛୋଡ଼ କପଟିଆ ପ୍ରଭୁ ଚକ୍ରଧାରୀ l
ଗୋପିଜନ ବଲ୍ଲଭାୟଃ ରୁକ୍ମିଣୀବଲ୍ଲଭ
ଅସଂଖ୍ୟନାମ ତୁମର କେ ଗଣି ପାରିବ l
ଅଣାକାର ନିରାକାର ସର୍ବକାର ଧାମ
ସର୍ବନାମ କାହୁଁ ବା ମୁଁ ଜାଣିବି ଅଧମ l
ମୁକୁନ୍ଦ, ମାଧବ, ଆଦିକନ୍ଦ, ଦୟାନିଧି
ଦୟା କର ବନମାଳୀ କରୁଣା ବାରିଧି ।