ଶକ୍ତି ସ୍ଵରୁପିଣୀ
ଶକ୍ତି ସ୍ଵରୁପିଣୀ
ନାରୀ ନାରାୟଣୀ
ଶକ୍ତି ସ୍ୱରୂପିଣୀ
ଇଶ୍ୱରଙ୍କ ଏକ ଅନବଦ୍ୟ ସୃଷ୍ଟି
ଏକ ସୁନ୍ଦର ସୃଜନୀ
ବାସ୍ନାମୟ ସୁନ୍ଦର ଫୁଲଟିଏ ,
ଅନେକ ସମ୍ଭାବନାକୁ ସାଥିରେ ଧରି
ଅନେକ ସ୍ୱପ୍ନକୁ ସାକାର କରିବା ଆଶାରେ ,
ପାଦଥାପେ
ଏ ଅପୂର୍ବ ଆନନ୍ଦ ଭରା ସଂସାରରେ ।
ଯେଉଁଠି ପୂଜିତ ହୁଏ
କନ୍ୟାଟିଏ , ମାଆଟିଏ , ନାରୀଟିଏ
ସେଠାରେ ବିହାର କରନ୍ତି
ସ୍ୱର୍ଗର ଦେବତା ମାନେ ,
ନାରୀ ସାକ୍ଷାତ୍ ଲକ୍ଷ୍ମୀଟିଏ
ଶକ୍ତି ସ୍ୱରୂପିଣୀ
ସ୍ନେହମୟୀ , ଶକ୍ତି ଦାୟିନୀ
ସର୍ବଂସହା , ମଂଗଳକାରୀ
ସୁନ୍ଦର ପ୍ରତିମାଟିଏ
ସ୍ନେହ , ପ୍ରେମ , ଶ୍ରଦ୍ଧାର
ଏକ ଚିର ସ୍ରୋତା ନଦୀଟିଏ ।
ନାରୀ
ନୁହେଁ ଅବଳା , ଦୁର୍ବଳା
ଛୁଇଁଛି ଆକାଶ ସେ ମହାକାଶରେ ,
ସୁରକ୍ଷା ଦେଉଛି ସେ ଦେଶ ମାତୃକାକୁ ସୀମାରେ ରହି !
କେବେ ପୁଣି
ସେ ଫୁଲଠାରୁ କୋମଳ
ଜହ୍ନଠାରୁ କମନୀୟ
ଗଂଗାଠାରୁ ପବିତ୍ର
ଧୈର୍ଯ୍ୟ , ବିଶ୍ୱାସ , ଐଶର୍ଯ୍ୟ , ସମୃଦ୍ଧି ଓ କ୍ଷମାର
ଏକ ମୂର୍ତ୍ତୀମନ୍ତ ସ୍ୱରୂପ ।
ସେ ଲକ୍ଷ୍ମୀ , ଦୁର୍ଗା , ଶ୍ୟାମା , ଗୌରୀ , ସରସ୍ୱତୀ
ସେ ମହିଷା ମର୍ଦ୍ଦିନୀ ଦଶଭୂଜା ମାଆ ,
ପାପ ତାପ ସଂହାର କାରିଣୀ
ସେ ସୂର୍ଯ୍ୟ ଉଦୟକୁ ରୋକି ଦେଇଥିବା ମହାସତୀ ଅନସୂୟା ,
ଯମ ହାତରୁ ପତିଙ୍କୁ ଫେରାଇ ଆଣିଥିବା ମହାସତୀ ସାବିତ୍ରୀ ସେ ଇତିହାସର ଝାନସୀ ରାଣୀ ଲକ୍ଷ୍ମୀବାଇ ପରି ,
ମଦର ଟେରେସା ପରି ଜଗତ କଲ୍ୟାଣକାରୀ ,
ମୀରା ବାଇଙ୍କ ପରି ଭକ୍ତିର ସାଗର
ସେ ପ୍ରେମମୟୀ ଦୁର୍ଗତୀ ନାଶିନୀ ମାଆ ।
ନାରୀ ହିଁ ନାରାୟଣୀ
ଜନକଲ୍ୟାଣୀ ମମତାମୟୀ ..
ଶେଷ ନାହିଁ ନାରୀର ମହନୀୟତା ଓ ପରାକାଷ୍ଠାର ,
ଯୁଗେ ଯୁଗେ ସବୁ ସମ୍ମାନର
ସର୍ବୋଚ୍ଚ ଅଧିକାରୀଣୀ ..
ସେ ଶକ୍ତି ସ୍ୱରୂପା ଇଶ୍ୱରୀ ।