ଗରୁଡ଼ ବନ୍ଦନା

       

ନମସ୍ତେ ଦେବ ଗରୁଡ଼ ବିନତା ନନ୍ଦନ l

କଶ୍ୟପ ତୁମ୍ଭର ପିତା, ହରିଙ୍କ ବାହନ ll

ନମସ୍ତେ ନମସ୍ତେ ନମଃ ଖଗଙ୍କର ପତି l

ଅରୁଣ ତୁମ୍ଭର ଭ୍ରାତା ସୂର୍ଯ୍ୟଙ୍କ ସାରଥି ll

ବନ୍ଦନାକରଇ ପଦେ ଦେବ ଖଗେଶ୍ବର l

ବାୟୁବେଗ ଗତି ତବ ଅତୀବ ପ୍ରଖର ll

ପୃଷ୍ଠରେ ବିଜୟ ତବ ଲକ୍ଷ୍ମୀନାରାୟଣ l

ନାମ ବହିଲେ ଶ୍ରୀହରି ଗରୁଡ଼ଆସନ ll

ସନ୍ତାନ ତୁମ୍ଭର ପ୍ରଭୋ କୁକ୍କୁଟ, ମୟୂର l

ଶିରରେ ମୁକୁଟ ତାଙ୍କ ଅତୀବ ସୁନ୍ଦର ll

ଭଗ୍ନୀ ତୁମ୍ଭର ଅଟନ୍ତି, ଶ୍ରୀମୟୀ ସୁମତୀ l

ବରିଥିଲେ ସୂର୍ଯ୍ୟ ବଂଶ ସଗର ନୃପତି ll

ବନ୍ଦଇ ବିନତାସୂତ ଆହେ ବୈନତେୟ l

ତୁମ୍ଭ ନାମ ସ୍ମରଣରେ କଟେ ଅହି ଭୟ ll

ନାଗାରୀ, ନାଗ ଅନ୍ତକ, ତୁମ୍ଭରି ଡରରେ l

କାଳୀୟ ଲୁଚିଲାଯାଇ କାଳିନ୍ଦୀଜଳରେ ll

ସୁପର୍ଣ୍ଣ ମନ୍ଦର ଗିରି ପୃଷ୍ଠେ ବୋହି ନେଲ l

ସମୁଦ୍ର ମନ୍ଥନ କାଳେ ଜଳେ ସଂସ୍ଥାପିଲ ll

ଜଗତରେ ରଖିଗଲ କାଳେକାଳେ ଯଶ l

ଶ୍ରୀରାମଙ୍କ ଫିଟାଇଲ କାଳ ନାଗଫାଶ ll

ନୀଳ ପର୍ବତେ କରିଲ ଖଗେ ସତ ସଙ୍ଗ l

କାକ ଭୂଷଣ୍ଡିଙ୍କ ସଙ୍ଗେ ଶ୍ରୀରାମ ପ୍ରସଙ୍ଗ ll

ବଳ ବିକ୍ରମେ ତୁମ୍ଭର କେ ସରି ହୋଇବ l

ଦେବଙ୍କୁ ହରାଇ ବେଗେ ଅମୃତ ହରିବ ll

ଗରୁଡ଼ ପୁରାଣେ ତବ ପ୍ରକୀର୍ତ୍ତୀତ କୀର୍ତ୍ତି l

ଶ୍ରୀବିଷ୍ଣୁ ବାହନକଲେ ଦେଖି ତୁମ୍ଭ ଶକ୍ତି ll

ନମସ୍ତେ ନମସ୍ତେ ପକ୍ଷୀରାଜ, ହରିଯାନ l

ଦର୍ଶନେ ସଂମ୍ପୂର୍ଣ୍ଣ ତବ, ଶ୍ରୀବିଷ୍ଣୁ ଦର୍ଶନ ll

କଳା ଶ୍ରୀମୁଖଙ୍କୁ ଦେଖ ଗରୁଡ଼ ପଛରେ l

ଜୟଜୟ ଜଗନ୍ନାଥ ବିଜେ କ୍ଷେତ୍ରବରେ ll