"ଶିକ୍ଷକ ଓ ନିଶ"

ଲକ୍ ଡାଉନ୍ ରେ ଘରେ ବସିରହି 

କରିଥାନ୍ତି ଅବା କିସ,

ଭାବିଲି ମନ ରେ ଏଇଥର ଟିକେ 

ବଢ଼ାଇବା ଦାଢ଼ି ନିଶ ।

ଏଥିପାଇଁ କେତେ ଶ୍ରମ ଯେ କରିଛି 

ବୁଝିବେନି କେବେ କେହି,

ରଖିଥିବ ଯିଏ ଜତନେ ଏହାକୁ 

ମଜା ପାଇଥିବ ସେହି ।

ନିଶ ଦେଖି ମୋର କିଛି ଲୋକ ମୋତେ

କହିଥିଲେ କେତେ କଥା,

ଶିକ୍ଷକ ହୋଇକି ନିଶ ତୁ ରଖିଲେ 

ସମାଜେ ନଇଁବ ମଥା । 

ନିଶ ସଙ୍ଗେ ମୋର ଶିକ୍ଷା ର ସମ୍ପର୍କ 

ଯୋଡୁଛନ୍ତି ଯେଉଁମାନେ,

ତାଙ୍କଠାରୁ ବଡ଼ ମୂର୍ଖ କେହି ନାହିଁ 

ଜାଣିଥାନ୍ତୁ ସେହିମାନେ ।

କବୀର କହିଲେ ସାଧୁ ବ୍ୟକ୍ତିଙ୍କର 

ଜାତି କି କରିବ ଜାଣି, 

ଖୋଳପା କୁ ଛାଡ଼ି ଖଡ୍ଗ ଧାର ଦେଖ 

କେତେ ସେ ପାରୁଛି ହାଣି ।

କାହାରି ଜୀବନେ ହସ୍ତକ୍ଷେପ କେବେ 

କରିବନି ଭାଈ କାହିଁ, 

କେଉଁ ଶାସ୍ତ୍ରେ ଏହା ଲେଖା ଅଛି ବନ୍ଧୁ

ଶିକ୍ଷକ ନିଶ ଧରିବେ ନାହିଁ ?

କାହା କଥା ଶୁଣି ଭାଙ୍ଗି ପଡ଼ିବନି 

ଯିବ ନାହିଁ କେବେ ରୁଷି, 

ନିଶ ମୋଡ଼ି ଏବେ ଜଣାଇ ଦେଉଛି 

ଏଇଟା ବି ଗୋଟେ ଖୁସି ।