ଶୀତ ସକାଳ

ଏଇ ଶୀତ ସକାଳ

ମୃଦୁ ମଳୟର ସମୟ,

ସୁନେଲି ସୂର୍ଯ୍ୟ କିରଣର ସମୟ

ଭେଣ୍ଡିଆଙ୍କୁ ସୁହାଇଲା ଭଳି ସମୟ।

ଦଳ ହେଇ ଦୌଡ଼ିବାର ସମୟ

କସରତ କରିବାର ସମୟ,

ମେଦଗ୍ରସ୍ତଙ୍କ ମର୍ଣ୍ଣିଙ୍ଗ ୱାକ୍ ର ସମୟ

ସୁନ୍ଦରୀ ରମଣୀଙ୍କ ପ୍ରାତଃଭ୍ରମଣର ସମୟ।

ତଥାପି କିଛି ରହିଯାଇଛନ୍ତି ଏ ଯୁଗରେ

କୁମ୍ଭକର୍ଣ୍ଣର ବଂଶଧର,

ଖରାଦିନେ ନଅଟାରେ ବିଛଣା ଛାଡୁଥିବା

ଆଳସ୍ୟର ରାଜକୁମାର।

ସେମାନଙ୍କ ପାଇଁ ଏଇ ଶୀତ ସକାଳ

ଘୋର ନିଦ୍ରାର ସମୟ,

ଘନ ଅନ୍ଧକାରର ସମୟ

କୁହୁଡି କାକରର ସମୟ।

ହାଡଭଙ୍ଗା ଶୀତର ସମୟ

ଶୋଇବାକୁ ଉପଯୁକ୍ତ ସମୟ,

ଥଣ୍ଡା ଓ ସର୍ଦ୍ଦି ଧରିବାର ସମୟ

ରାସ୍ତାଘାଟ ନଦିଶିବାର ସମୟ।