ଲାଇବ୍ରେରୀ
ପ୍ରୋଫାଇଲ୍
ଶୀତ ଓ ସ୍ମୃତି
ଶୀତ ଓ ସ୍ମୃତି
1 min
271
ଶୀତ ଯେବେ ପୌଷ ମାସରେ
ପାଦ ଚ଼ପି ଚ଼ାପି
ଏଘର ସେ ପିଣ୍ଡା ହୁଏ
ଦଲକାଏ ଶୀତଳ ମୃଦୁ ଶିହରଣ
ଖେଳିଯାଏ ହାଡ଼ ଭିତର
ରକ୍ତ କଣିକା ଯାଏ
ଗରୀବ ବିଚରା
ଯାକିଯୁକି ହୋଇ କୁଡ଼ିଆ ଘରେ
ନଡ଼ା ଛପର ତଳେ ରହିଯାଏ
କନ୍ଥା ଘୋଡ଼େଇ ହୋଇ ତ କେବେ
ଖଜୁରୀ ପାଲର ପଟିଆ ଘୋଡ଼େଇ ।
ମୋର କିଛି ମନେହୁଏ
ଶୀତକୁ ଆମେ ପୋଡ଼ିଦେଉ
ମକର ହୋଲର ନିଆଁରେ
ହାରିଯାଏ ଶୀତ
ମୋ ଆଇର ନିଳ-ସାଗୁଆ
ଆଣ୍ଠୁଟେକା ଲୁଗା ତଳେ ।
ସନ୍ଧ୍ୟା ଯେବେ ବଢ଼ି ବଢ଼ି ଯାଏ
ଗାଁ ଦାଣ୍ଡ ଜନ ଶୂନ୍ୟ ହୋଇ
ଆକାଶରେ ତାରା ଦେଖାଦେଲେ
ଶୀତର ପ୍ରକୋପ ସହି ନ ପାରି
ବିଲୁଆଙ୍କ ରଡ଼ି ରହି ରହି
ପାଚିଲା ଧାନ କିଆରିରେ ଶୁଭେ
ଆଉ ମଞ୍ଚା ଉପରେ ଜଗିଥିବା ଜଗୁଆଳ
ହୁସିଆର ହୋଇ ମଞ୍ଚା ତଳେ
ଟିକେ ନିଆଁ ଲଗେଇ ଦିଏ ।
