ଶୀତ ଅନୁଭୂତି

କିଏ କହେ ଶୀତ ମିତ ଆମର 

   ଅଟୁ ଯେତେ ଅଳସୁଆ 

ଶୀତ ଅନୁଭୂତି  ଅଲଗା କୁହଇ

    ଆଣେ ସ୍ମୃତି ରୂପେ କାୟା l

ଶୀତଦିନେ ଉଠି ସକାଳ ପବନେ  

   ବ୍ୟାୟାମ ବି ଲାଗେ ଭଲ 

ସ୍ୱାସ୍ଥ୍ୟ ହିଁ ଅଟଇ ଅମୁଲ୍ୟ ସମ୍ପଦ

   ଏ କଥା କେବେ ନ ଭୁଲ l

କୁହୁଡ଼ି ର ଧୂଆଁ ପାଟିରୁ ବି ଧୂଆଁ

   ବାହାରଇ ଧୀରେ ଧୀରେ 

 ନାକ ର ସିଙ୍ଗାଣି ଥପଥପ ଥିପେ

   ପୁଛୁ କେତେ ଆରାମରେ l

ଗରିବ ପାଖରେ ଶୀତ ବସ୍ତ୍ର ନାହିଁ 

   ଜୀବନ ସଂଗ୍ରାମ ଲଢେ 

କେବେ ଖରାବର୍ଷା କେବେ ପୁଣି ଶୀତ

   ନିକଟରେ ସିଏ ଭିଡ଼େ l

ଯିଏ ଯାହା କହୁ ଶୀତ ଅନୁଭୂତି 

   ସ୍ମୃତି ହୋଇଯାଏ ରହି 

ସମୟ ସ୍ରୋତ ରେ ଲଢ଼ିବାକୁ ହୁଏ

   କଥା ଟି ଦିଅ ଚେତାଇ l