ଶେଷ ଇଛା
ଶେଷ ଇଛା
ମୋତେ ନିକଟରୁ ଜାଣିଥିବା
ଲୋକମାନେ ଭାବୁଥିବେ
ମୁଁ ସୁଖୀ ଓ ସନ୍ତୁଷ୍ଟ
ଅଥଚ, ପ୍ରାଚୁର୍ଯ୍ୟ ଭିତରେ
ଅନୁଭବ କରେ ଅଭାବ କୁ
ଅର୍ଥ ଦେଇ ସିନା କିଣିହେବ ଶେଯ
ନିଦ କିଣିବାର ସାମର୍ଥ୍ୟ କାଁହୁ ହେବ ?
ସୁଖୀ ବୋଲି ଅଭିନୟ କରିବା
ମରଣ ଠୁ ଅତି ଭୟଙ୍କର |
ସମୀକ୍ଷା କଲି ନିଜେ
ନାହିଁ କଣ ମୋର
ପ୍ରତିଷ୍ଠା, ସମ୍ମାନ, ପ୍ରତିପତ୍ତି
ତଥାପି ବିରକ୍ତିକର ଯାତ୍ରା ସମ
ଲାଗୁଚି ଜୀବନ
ପୁନର୍ଜନ୍ମ ଯଦି ହୋଇଥାଏ ସତ
ଏ ଜୀବନ ଅଧ୍ୟାୟ ର ପୃଷ୍ଠା
ସମାପ୍ତ ହେଉ ଏଇଠି
ଏହାହିଁ ମୋ ନିଜ କଥା
ଶେଷ ଇଛା ମୋର