ଶବ୍ଦରୁ ସୃଜନ- 22. ସ୍ପର୍ଶ : ଗୀତି କବିତା: ପରଶମଣି ଗୋ ତୁମ ପରଶରେ

ପରଶମଣି ଗୋ ତୁମ ପରଶରେ ମୋତେ କରିଦିଅ ସୁନା,

ମଣି-କାଞ୍ଚନର ସଂଯୋଗ ନହେଲେ ମାଟି ହୋଇଯିବି ସିନା |(ଘୋଷା)

ଶତ କଦମ୍ବର ରୋମାଞ୍ଚ ଗୋ ତୁମେ କୁମୁଦିନୀର ନୀଳିମା,

ପ୍ରଭାତୀ ଉଷାର କଅଁଳ କିରଣ ନିଶୀଥିନିର ଜୋଚ୍ଛନା |

ମୋ ଜୀବନ ମରୁ ଉପତ୍ୟକା ପାଇଁ ଛୁଟାଅ ପ୍ରୀତିର ବନ୍ୟା |

ପରଶମଣି ଗୋ ତୁମ ପରଶରେ ମୋତେ କରିଦିଅ ସୁନା |(1)

ନିଦାଘରେ ମୋର ମନପକ୍ଷୀ ଝୁରେ ବର୍ଷାହେଇ ଝରି ଆସ,

ଚାତକ ପରାଏ ଚାହିଁଛି ଗୋ ପ୍ରିୟା ପାଇବି ତୁମ ପରଶ |

ତୁମେ ଆସିଗଲେ ଫଗୁଣ ଆସିବ, ଦୁହେଁ ହେବା ଆନମନା |

ପରଶମଣି ଗୋ ତୁମ ପରଶରେ ମୋତେ କରିଦିଅ ସୁନା |(2)