ଶ୍ବାନ ଓ ବିଶ୍ୱାସ

ଜୀବନର ପୁଞ୍ଜି        ବିଶ୍ୱାସ ଅଟଇ

       ଜୀବନର ମୂଳଧନ l

ବିଶ୍ୱାସର ବନ୍ଧୁ       ମଣିଷ ସାଥିରେ

     ରହିଥାଏ ଯେହ୍ନେ ଶ୍ବାନ ll

ଦିଏ ନାହିଁ ଧୋକା     ଜାଣେନି ଛଳନା 

      ଜାଣେ ବିଶ୍ୱାସ ଠିକଣା l

ମଣିଷର ଯଦି        ବିଶ୍ୱାସ ହିଁ ନାହିଁ 

     ନୁହେଁ ଶ୍ବାନରେ ବି ଗଣା ll

ନିଜ ସନ୍ତାନଙ୍କୁ       ଗେଲ କରୁଥାଏ 

       ନିଜର ପାଟିରେ ଧରି l

ଦର୍ଶକ ଭାବନ୍ତି        ମରିଯିବି ଛୁଆ 

      ହେବ ଯଦି ଟିକେ ଡେରି ll

ସନ୍ତାନ ଜାଣିଛି       ମା ତାର ମହାନ

      ପାରିବିନି କେବେ ମାରି l

ଦୁନିଆରେ ତାର      ମା ଏକା ନିଜର

      କେହି ନୁହେଁ ତାର ସରି ll

ବିଶ୍ୱାସର ମନ୍ତ୍ର        ନେଇ ବଞ୍ଚୁଅଛି

       ଭରସା ଜିତିଛି ଶ୍ବାନ l

ସାହୁକାର ମନ        ଜିତି ସାରି ଅଛି

      ପାଏ ଆଦର ଓ ସେହ୍ନ ll

ଜୀବନର ପୁଞ୍ଜି        ହରାଇବ ନାହିଁ

      କେବେ ତୁମ ଜୀବନରେ l

ଯେବେ ହରାଇବ     ତୁମେ ଗଣା ହେବ

     ବିଶ୍ୱାସ ହୀନ ଜାତିରେ ll