ଶାଶୁ କେବେ ମାଆ ହେବେ
ଶାଶୁ କେବେ ମାଆ ହେବେ
ବୋହୂ ଖଟି ଖଟି ସାଜୁ ଚାକରାଣୀ
ଝିଅ ଶାଶୂ ଘରେ ହେଉ ମାଲିକାଣୀ
ଝିଅ ଝିଅ ଜନ୍ମ କଲେ ଲକ୍ଷ୍ମୀ ପ୍ରତିମା
ବୋହୂ ଝିଅ ସାଜେ ପୋଡ଼ାମୁହିଁ ଅଲକ୍ଷଣୀ
ଝିଅର କଥାରେ ଜ୍ୱାଇଁ ଚାଲିଲେ ବୋଲାଏ ଦେବଦୂତ
ବୋହୂ କଥା ଟିକେ ପୁଅ ଶୁଣିଦେଲେ ମାଇପ ସୁଆଗି ମରଦ
ବୋହୂ ମରୁଅଛି ଶାଗ ପଖାଳରେ
ଝିଅକୁ ପଠାନ୍ତି ପିଠା ପଣା
ଏସବୁ ଶାଶୁଙ୍କ ଅଶେଷ ମହିମା
ମନ୍ତ୍ରଣା ଦିଅନ୍ତି ଝିଅ କାନେ କାନେ ମୁଁହରେ ଜବାବ୍ ଦେବ
ବୋହୂ ଯଦି କେବେ ଉଁ ଟିଏ କଲା ବିଧା ଗୋଇଁଠା ଖାଇବ
ମନରେ ହରଷ ଆଖିରେ ତରସ ଝିଅ ଯେଉଁ ଦିନ ଆସିବ
ମୁଁହଟାକୁ ପୁରା ହାଣ୍ଡି କରିଥାନ୍ତି ବୋହୂ ବାପ ଘର ଯିବ
ଝିଅ ଚଳାଉ ହୁକୁମ୍
ବୋହୂ ପାଇଁ ଏଠି ଜୁଲୁମ୍
ବୋହୂ ଟିକେ ଯଦି ମୋବାଇଲ ଧରେ ଅଲଗା ଗେରସ୍ତ ଖୋଜୁଛି
ଝିଅ ଯଦି କେବେ ମୋବାଇଲ ଧରେ ଖୁସି ମଜା ଟିକେ କରୁଛି
ଝିଅ ଉପରେ ଜୁଲୁମ୍ ହେଲେ ଦୌଡ଼ନ୍ତି ଥାନା ମୁଣ୍ଡା
ବୋହୂ ଉପରେ ଜୁଲୁମ୍ କରି କମ୍ପାନ୍ତି ଗାଆଁ ଗଣ୍ଡା
ଶାଶୁ ଯେବେ ମାଆ ସାଜିବ
ବୋହୂ କିବା ଆଉ ଜୁଲୁମ ସହିବ
ନିଜେ ନିଜେ ଝିଅ ସାଜିବ।