ଶାନ୍ତିର ପୁର ବୈକୁଣ୍ଠ

ହେ ନର- 

   ଜୀବକୁ କରନି ଶୀକାର 

   ଆଗନ୍ତୁକକୁ ସୁବେଭାର ।

   ପରକୁ ମଣ ଆପଣାର 

   ଜୀବକୁ ଦିଅନି ଜହର ।।

        ଯାଇ ବସିବୁ ବୈକୁଣ୍ଠପୁର ।

ହେ ନର-

   ଅନ୍ଧକୁ ଦେଖାଅ ସୁପଥ 

   ଅସୁସ୍ଥକୁ କର ହେ ସୁସ୍ଥ ।

   ଭାଇ ଭାଇ ସର୍ବେ ନିଜର 

   ଦେଶ କରନି ଛାରଖାର ।।

        ଯାଇ ବସିବୁ ବୈକୁଣ୍ଠପୁର ।

ହେ ନର- 

   ଭିକାରୀକୁ ଦିଅରେ ଭିକ 

   ହରିନାମ ସରବେ ଡାକ ।

   ଭୋକିଲାକୁ ଦିଅ ଆହାର 

   ବଡଙ୍କୁ ନ କର ଟାପର ।।

        ଯାଇ ବସିବୁ ବୈକୁଣ୍ଠପୁର ।

ହେ ନର- 

   କୁକର୍ମେ ପକାନି ନଜର 

   ସେବା କର୍ମ ଅଟେ ସୁନ୍ଦର ।

   ରଖିଥା ନିର୍ମଳ ଅନ୍ତର 

   ଜୀବକୁ ଭାବନି ଚାକର ।।

        ଯାଇ ବସିବୁ ବୈକୁଣ୍ଠପୁର ।

ହେ ନର- 

   ନ୍ଯାୟ କଥା କର ଆଦର 

   କେବେ କାହାରିକୁ ନ ମାର ।

   ଭଲ କର୍ମେ ପଡେରେ ହୁର 

   କେବେ ତୁ ସାଜିବୁନି ଚୋର ।।

        ଯାଇ ବସିବୁ ବୈକୁଣ୍ଠପୁର ।