ସେ ପରା ବନ୍ଧୁ

କି ସ୍ଵର୍ଗୀୟ ଭାଵନାର ମଧୁରାଷ୍ଟକ ଏ ଶବ୍ଦ,

ମହାର୍ଘ୍ୟ ମୂହୁର୍ତ୍ତର ଚେତନାର ଅବ୍ଦ୍ଦ,

କୋଟି ତପସ୍ୟାର ତପୋବନର 

ସାଧନାର ବୀଜମନ୍ତ୍ରେ ସିଦ୍ଧ

କିଏ, କିଏ ଗଢିଲା ଏ ଶବ୍ଦ !

କେଉଁଠି ପ୍ରାରମ୍ଭ ପୁଣି ଶେଷ ଏ ଦୁଇଟି

ଅକ୍ଷରର ଅଗ୍ନି ସ୍ଫୁଲିଙ୍ଗ,

ଶକ୍ତି ସାମର୍ଥ୍ୟର ଅମୋଘ ଅସ୍ତ୍ର

ଏକଲା ପଣର ଆଶ୍ଵାସନା କେନ୍ଦ୍ର,

ଶ୍ରୀକୃଷ୍ଣ ସୁଦାମା ଚର୍ଚ୍ଚିତ

ବନ୍ଧୁ ମହାନ୍ତି, ଚୈତନ୍ୟ, ବାଲ୍ମୀକି

ଦାସିଆ ସାଲବେଗ।

ଭକ୍ତର ଭକ୍ତିରେ ,ଦୁଃଖିର ଦୁଃଖରେ

କରୁଣାର କୃପାରେ

ଦୀନବନ୍ଧୁ, ଜଗବନ୍ଧୁ , ନୀଳସିନ୍ଧୁ

ଆବଦ୍ଧ ନୁହେଁ ଛନ୍ଦରେ,

ବନ୍ଧୁମହାନ୍ତି ଜୟଦେବ ଗୀତିଗୋବିନ୍ଦେ

ବନ୍ଧୁ ! ଗୋପୀ ଗୋପାଳଙ୍କ ମେଳରେ

ବନ୍ଧୁ ତୁମକୁ କୋଟି ଜୁହାର ଆଜିର ଦିନରେ।