ସବୁବେଳେ କାହିଁ ଝିଅ ପାଇଁ ରଜ
ସବୁବେଳେ କାହିଁ ଝିଅ ପାଇଁ ରଜ
ଓଡ଼ିଆଙ୍କ ଏ ତ ବଡ଼ ଗଣ ପରବ
ଆଷାଢ଼ ଆଗମନେ ପୁରପଲ୍ଲୀ ରଜରେ ହସିବ
ଧରଣୀ ମା ଙ୍କୁ ସମ୍ମାନ ମିଳିବ
ବସୁମତୀ ସ୍ନାନରେ ପୂଜା କରି ଚାଷୀ ଚାଷ ଆରମ୍ଭିବ ।
କିନ୍ତୁ ରଜ ରଜ ବୋଲି ସବୁଠି ପଡୁଛି ହୁରୀ
ପାଳିବାକୁ ପର୍ବ ଝିଅ ବୋହୂ ଆସନ୍ତି ବାହାରି
ନୂଆ ଶାଢ଼ୀ ଚୁଡ଼ି ମେକଅପ କ୍ରିମ ବରାଦ ଦିଅନ୍ତି କରି
ବାପା ଭାଇ ପକେଟ ଖାଲି ଦିଅନ୍ତି କରି ।
ଏ କି କଥା କହିଲ ଦେଖି ଭାଇ
ଏତେ ଦରବ ସଜା ହୁଏ ଖାଲି ଝିଅ ବୋହୂ ପାଇଁ
ପୁରୁଷଙ୍କ କଥା କିଏ ବି ପଚାରେ ନାହିଁ
ଏତେ ପାର୍ଥକ୍ୟ କାହିଁକି ଯେ ତାଙ୍କ ପାଇଁ ।
ସବୁ ଝିଅ ବୋହୂ ହେଲେ ତ ସଜ
ଆମେ ନହୋଇ କଣ ବାଛିବୁ ଡ଼ିମିରି ବୀଜ
କିଲର ପେଣ୍ଟ କୁ ପୋଲୋ ଟି ସାର୍ଟ ଖୋଜ
ଡିଓ ଦେହେ ଢାଳି କ୍ରିମ ମୁହେଁ ବୋଲି ହବା ଟିକେ ସଜ ।
ପାଦରେ ବାନ୍ଧି ନାଇକ ଜୋତାକୁ ଫ୍ରେସଞ୍ଜ କଟ ଦାଢ଼ି
ସନ ଗ୍ଲାସ ଆଖିରେ ଦେଇ ହାତେ ବାନ୍ଧିବା ଦାମୀକିଆ ଘଡି
ରସିକିଆ ଟୋକା ଯେ ପାଟିରେ ପାନ ଦେ ମାଡି
ହେଲେ ତ କରୁଣା ଜଗିଛି ବାହାରେ ଘରେ ଦୋଳି ଲଗେଇ ଯିବା ଚଢି ।