ସବୁ କାଳିଆକୁ ଜଣା
ସବୁ କାଳିଆକୁ ଜଣା
ଆଖି ବୁଜି ମନେମନେ ଆଜି ମୁଁ ଭାବୁଛି
ଗୁପତରେ ରଥଗଢା କେମିତି ଚାଲିଛି !
କରୋନା ର ଚେର ଯେଣୁ ମାଡିତ ଯାଉଛି
ସବୁ ପୂଜା ପାର୍ବଣ ରେ ଅଙ୍କୁଶ ଲାଗୁଛି ।
ବିନା ଭକ୍ତେ ହୋଇଗଲା ରଥ ଅନୁକୂଳ
ପହଞ୍ଚିଲା ପ୍ରଭୁଙ୍କର ଦିବ୍ୟ ଆଜ୍ଞାମାଳ ।
ଶୁଭ କାଷ୍ଠପରେ ସେହି ମାଳ ରଖାଗଲା
ବିଶ୍ବକର୍ମାଙ୍କ ମଥାରେ ଶାଢୀ ବନ୍ଧାହେଲା ।
କାଷ୍ଠରେ କୁରାଢି ସ୍ପର୍ଶ ବିଶ୍ବକର୍ମା ଦେଲେ
ରଥଗଢା କାର୍ଯ୍ୟକ୍ରମ ଶୁଭାରମ୍ଭ କଲେ ।
ଭୋଇ ମାନେ କାଠ ସବୁ ଆଣିଥାନ୍ତି ବୋହି
ରୂପକାର ଗଢିଥାନ୍ତି ରୂପ ମନଦେଇ ।
ପ୍ରଥମେତ ରଥଚକ ତାପରେ ନାହାକା
ଶୁଆପଟା ହ°ସପଟା ଭାଡି ହେବ ଟେକା ।
ଚିତ୍ରକର ରଥସାରା ଆଙ୍କିଥାନ୍ତି ଚିତ୍ର
ମହାରଣା ତିନିରଥ ମୁଖ୍ୟ କାରିଗର ।
ଦିନୁଦିନ ରଥ କାମ ଆଗେଇ ଚାଲିଛି
ଆଗକୁ ତ ରଥଯାତ୍ରା ଜଗତ ଚାହିଁଛି ।
ଗଲାସନ ବିନାଭକ୍ତେ ରଥ ହେଲା ଟଣା
ଏବରଷ କଥା ସେହି କାଳିଆକୁ ଜଣା ।