ସ୍ବାଧୀନତା ଦିବସ

ସ୍ବାଧୀନ ଭାରତ   ମାତାର ସନ୍ତାନ

    ସର୍ବେ ହୁଅ ସଚେତନ

ଜନମ ଭୂଇଁର   ସ୍ବାଧୀନତା ଆଉ

    ସୁରକ୍ଷାରେ ଦିଅ ମନ ।୧।

ଶତୃର ଆତଙ୍କ   ରହିଛି ଆଗରୁ

    ହେଲାଣି ଅନେକ ଦିନ

ଏ ଦେଶ ମାଟିରେ   ସଇନିକ ଗଣ

    ଦେଇଗଲେ ବଳିଦାନ ୨।

ମାଆ ମାଟି କୋଳେ   ବଢ଼ି ଆସୁଥିବା

    ଯେତେ ଭାରତିୟ ଜନ

ମିଳିମିଶି ସର୍ବେ   ଏକତାରେ ରହି

    ହୋଇଯିବା ସଂଗଠନ ।୩।

ଏହି ଦେଶ ମାଟି   ପାଣି ପବନରେ

     ଗଢ଼ା ଆମରି ଜୀବନ

ଦେଶ ପାଇଁ ଭଲ   କାମ କରିଗଲେ

    ବଢ଼ିବ ଦେଶର ମାନ ।୪।

ଭାରତ ଦେଶର   ସନ୍ତାନ ଆମେରେ 

    ସରବେ ଆମେ ସମାନ

ରଙ୍ଗ ରୂପ ଭାଷା   ଜାତି ଧରମରେ

    କେହି ନୁହେଁ ବଡ଼ ସାନ।୫।

ସ୍ବାଧୀନ ଭାରତ   ଦେଶର ଏକତା

    ବଞ୍ଚାଇ ରଖିବା ପାଇଁ

ଶପଥ କରିବା   ଆଜିର ଦିନରେ

    ଜାତି ଧର୍ମ ଭୁଲିଯାଇ ।୬।