ସୈନିକ

ଭାରତ ମାତାର ଯୋଗ୍ୟ ସନ୍ତାନ 

ଏ ମୋର ସୈନିକ ଭାଇ ମହାନ 

ବନ୍ଧୁକ ମୁନରେ କର ଶାସନ 

ତୁମ ପାଇଁ ବଞ୍ଚେ ଆମ ଜୀବନ ।

ଶତ୍ରୁକୁ ସଂହାରି ବିନାଶ କର 

ପଛରେ ପକାଇ ନିଜ ସଂସାର 

ଭାରତବାସୀଙ୍କ ପୁଲକ ଭର 

ସଭିଏଁ କୁହନ୍ତି ସାହସୀ ବୀର ।

ବରଷା କାକର ଖରା କି ଶୀତ 

ନ ମାନି ରହିଛୁ ସେମିତି ତୁ ତ 

ଜଣା ନାହିଁ ତତେ ଯାନି କି ଯାତ 

ସୀମା ସଙ୍ଗେ ରହୁ ହୋଇ ସଙ୍ଗାତ ।

ଯୁଦ୍ଧ ହେଲେ ଦେଉ ପତାଇ ଛାତି 

ଲାଗିଯାଉ ପଛେ ବନ୍ଧୁକ ତାତି 

ଛାଡ଼ ନାହିଁ ଶତୃ ଆମରି କତି 

ନ ଶୋଇ ଲଢ଼ୁଛ କି ଦିନ ରାତି ।

ତୁମ ଜୀବନକୁ ଆହୁତି ଦେଇ 

ଗୁଳି ବାରୁଦରୁ ଅନେକ ଖାଇ 

ଶହିଦ ହେଉଛ ଆମରି ପାଇଁ 

କେତେ ଯେ ଯବାନ ଗଲେ ପଳେଇ ।

ଭାରତ ମାତାର ଅମୃତ କୋଳେ 

ତ୍ରିରଙ୍ଗା ପତାକା ପଣତ ତଳେ 

ମୁଣ୍ଡକୁ ନୁଆଁଇ ଶୋଇଯା ବଳେ 

ଫୁଲ ମାଳ କେତେ ପକାଇ ଗଳେ ।

ସଲାମ କରନ୍ତି ଜଗତ ଜନ 

କିଣି ନେଇଯାଅ ସଭିଙ୍କ ମନ 

ଯୁଗେ ଯୁଗେ ରହେ ତୁମରି ନାମ 

ତୁମ ପାଇଁ ସିନା ଆମେ ସ୍ୱାଧୀନ ।

ବିଜୟର ଟୀକା ମଥାରେ ପିନ୍ଧି 

ଖାକି ପଗଡ଼ିଟା ମୁଣ୍ଡରେ ବାନ୍ଧି 

ଛାଡ଼ି ଯାଅ ସିନା ଆମକୁ ଛନ୍ଦି 

ଯବାନ ଜ୍ୟୋତିଟା ଜଳଇ କାନ୍ଦି ।