ସାଥିରେ (ତିନି)

ସାଥି ଗୋ

ତୁମ ନାଲି ନେଳି ଫୁଲ ଫୁଟୁଥିବା

ସବୁଜ ରଙ୍ଗର ପାଟ ପିନ୍ଧିଥିବା

ବଗିଚାର ଛାର ଭ୍ରମର ଟିଏ ମୁଁ

ତୁମେ ତ ଅସୀମା

ମୋ ପ୍ରେମର ନଗରେ

ନା ମୁଁ ପାରିଛି ତୁମକୁ ସ୍ପର୍ଶ କରି

କେବଳ ଚାହିଁଛି ମନ ପ୍ରାଣ ଦେଇ

ତୁମ ଉପସ୍ଥିତି ମୋ ଦରଦୀ ଛାତିରେ

କେବଳ ଚାହିଁଛି ତୁମକୁ ଉପଭୋଗ ନୁହଁ

ଅନୁଭବ କରିବାକୁ ତୁମ ପ୍ରୀତି ଫଗୁରେ

ତୁମେ ମୋ ପରିଚୟ

ତୁମ ବିନା ଏ ଜୀବନ ଜୀବନ ନୁହେଁ

ଏ...ଇ ଆସନା....

ମୋ ରାତିର ସ୍ୱପ୍ନରେ

ମୋ କର୍ମର ସଫଳତାରେ

ମୋ ମନର ଆବେଗରେ

ମୋ ହୃଦୟର ଆବିଳତାରେ