Library
Profile
ସାଗର ନନ୍ଦିନୀ
ସାଗର ନନ୍ଦିନୀ
ମହାଲକ୍ଷ୍ମୀ କହୁଛନ୍ତି
ରୋଷଭର ହୋଇ
କାଳିଆ ଠାକୁର ତୋତେ
ଲାଜ ଟିକେ ନାହିଁ
ବରଷକେ ଥରେ ହୁଏ
ବଡ଼ଦାଣ୍ଡେ ଜାତ
ମୋତେ ନେଲ ନାହିଁ କିଆଁ
ଜଗତର ନାଥ
ଲକ୍ଷଲକ୍ଷ ଜନତାଙ୍କ
ଭିଡ଼ ଅଛି ସେଠି
ମୋତେ ତୁମେ ନେଲ ନାହିଁ
ଦେଲ ମୋତେ ଠକି
ଭାବିଥିଲି ଦୁଇଭାଇ
ମିଶିକରି ଯିବ
ସୁଭଦ୍ରା ଭଉଣୀକୁ
ଘରେ ରଖିଥିବ
ନାଟୁଆ ନାଗର ତମେ
ନାଟ ଲଗାଇଲ
ସୁଭଦ୍ରା ଭଉଣୀକୁ
ସାଥେ ନେଇଗଲ
ମୋତେ ତୁମେ ମିଛକହି
ଭଉଣୀକୁ ନେଲ
ମିଛୁଆ ନାଗର ତମେ
ମିଛ କହିଗଲ
ଷାଠିଏ ପଉଠି ଭୋଗ
ନିତି ରାନ୍ଧୁଥିବି
ପେଟୁଆ କାଳିଆ ତୋତେ
ବାଢି ଦେଉଥିବି
ରୋଷେୟା କରି ମୋତେ
ରଖିଅଛୁ ତୁହି
ଅଭିମାନେ ବାଟ ଚାହିଁ
ବସିଅଛି ମୁଁହି
କେମିତି ପଶିବ ତମେ
ମନ୍ଦିର ଭିତରେ
ବାଟ ଛାଡିବିନି ଜମା
ରହିବ ବାହାରେ
ସାଗର ନନ୍ଦିନୀ ମୁଁହି
ଦାରିଦ୍ର ଭଞ୍ଜନୀ
ଅର୍ଣ୍ଣପୂର୍ଣା ଅଟେ ମୁଁହି
ଭାରୀ ଅଭିମାନୀ
ଷାଠିଏ ପଉଠି ରାନ୍ଧି
ମାଉସୀ ମାଆ ଦେବ
ଭାଇ ଭଉଣୀଙ୍କ ସହ
ଆନନ୍ଦେ ରହିବ
ସେଠି ରହି ସ୍ତ୍ରୀ କଣ
ନିତି ଝୁରୁଥିବ
ବେଶିଦିନ ରହିବନି
ଜଲଦି ଆସିଯିବ
ଗାଳି ସହୁ ବୋଲି ମୁଁ
ତୋତେ ଗାଳି ଦେଲି
ଲକ୍ଷ୍ମୀ ମାଆ ସପକ୍ଷରେ
କିଛି ଲେଖିଦେଲି
ଭୁଲ ମୋର ଧରିବୁନି
ଜଗତ ଠାକୁର
ତୋ ଲୀଳାହିଁ ତୋତେ ଜଣା
ମୋତେ କ୍ଷମା କର
