ସାଧାରଣତନ୍ତ୍ର ଦିବସ
ସାଧାରଣତନ୍ତ୍ର ଦିବସ
ଊନବିଂଶ ପଚାଶ ଜାନୁଆରୀ ଛବିଶ
ବ୍ରିଟିଶ୍ ସାମ୍ବିଧାନିକ ବ୍ୟବସ୍ଥାର
ଅପସାରଣ କ୍ରମଶଃ
ହୋଇଲା ଆମରି ଦେଶ
ସାର୍ବଭୋୖମ ଗଣତାନ୍ତ୍ରିକ ରାଷ୍ଟ୍ରରେ
ବିଶ୍ୱରେ ହେଲା ପ୍ରକାଶ ।
ଆସେମବ୍ଲିକୁ ସମ୍ବିଧାନ ଚିଠା ହସ୍ତାନ୍ତର
କରିଥିଲେ ସେହୁ ଆମ୍ବେଦକର
ଆଲୋଚନା ବାରମ୍ବାର
ଶେଷରେ ବଳବତ୍ତର
ଇଂରାଜୀ ହିନ୍ଦୀରେ ଲିଖିତ କପିରେ
ଦସ୍ତଖତ ୩୦୮ଙ୍କର ।
ଉକ୍ତ ଲିଖିତରେ ସମ୍ବିଧାନ କାର୍ଯ୍ୟକାରୀ
ହୋଇଥିଲା ବୋଲି ଏହି ଦିବସଟି
ପାଳିଥାଉ ଆମେ ଘେରି
ପ୍ୟାରେଡ଼ ଓ ଝାଙ୍କି କରି
ଦେଖାଉ ଆମେରେ ପଡ଼ୋଶୀ ଦେଶକୁ
ଆମ ସେନାର ଚାତୁରି ।
ମହାତ୍ମା ଗାନ୍ଧୀଙ୍କ ନେତୃତ୍ୱରେ ଆନ୍ଦୋଳନ
ଅସହଯୋଗ ଆଉ ଅହିଂସାପୂର୍ଣ୍ଣ
ଭାରତୀୟଙ୍କ ସ୍ଵାଧୀନ
ସେଲାଗି ଦେଶ ମହାନ
ଭାରତର ମୂଖ୍ୟ ହୋଇଥିଲେ ଯହିଁ
ଗଭର୍ନର୍ ମାଉଣ୍ଟ୍ ବ୍ୟଟେନ ।
ରାଷ୍ଟ୍ରପତି ଆମ ରାଜଧାନୀ ନଗରୀରେ
ଜାତୀୟ ପତାକା ଉତ୍ତୋଳନ କରି
ଭାରତୀୟ ସମେତରେ
ଇଣ୍ଡିଆ ଗେଟ୍ ପାଶରେ
ଅଭିବାଦନ ଯେ ଗ୍ରହଣ କରନ୍ତି
ସାମରିକ ସଙ୍ଗତରେ ।
ଭାରତୀୟ ସେନା ଅଶ୍ୱାରୋହୀ ପଦାତିକ
ଆଦି ବାହିନୀଙ୍କୁ ସାଙ୍ଗରେ ଧରିଣ
କରନ୍ତି ସମ୍ଭାର ଏକ
ଶୋଭାଯାତ୍ରାର ଝଲକ
ସାଧାରଣତନ୍ତ୍ର ଦିବସ ଆମର
ଦିଶେ କେଡେ ଜକଜକ ।