ସାବିତ୍ରୀଙ୍କ କଥା

ଯେତିକି ସରଳ ସେତିକି ବିରଳ

ତୁମରି ଗାଥା

ଯେତିକି ତରଳ ସେତିକି କରାଳ

ତୁମ କାର୍ମିକ କଥା

ଯେତିକି ଯୁଗ୍ମ ସେତିକି ଯୌଗିକ

ଦୁନିଆଁ କୁ ବାରତା

ଯେତିକି ଜଟିଳ ସେତିକି ବହଳ

ତୁମେ ଧନ୍ୟା ମାତା

ଯେତିକି ଅଯୁଗ୍ମ ସେତିକି ଶୃଙ୍ଖଳ

ତୁମ ସିନ୍ଦୁର ଗାଥା

ଯେତିକି ଜାଳେ ସେତିକି ଜଳେ

ତୁମେ ଦି କୁଳ ହିତା

ଯେତିକି ଦୃଶ୍ୟ ସେତିକି ଅଦୃଶ୍ୟ

ତୁମେ ପତିବ୍ରତା

ଯେତିକି ଅନ୍ଧାର ସେତିକି ଆଲୁଅ

ତୁମେ କନକ ସୁତା

ଯେତିକି ପୁଣ୍ୟ ସେତିକି ମାନ୍ୟତା

ତୁମେ ଧର୍ଯ୍ୟ ସଂହିତା

ଯେତିକି ଦହନ ସେତିକି ଜ୍ୱଳନ

ସୀତା ପରି ସାବିତ୍ରୀ ମାତା

ତୁମେ ମାତାର ତୁମେ ପିତାଙ୍କର

କନକ ବରଣା ଦୁହିତା

ତୁମେ ଶାଶୁଙ୍କର ତୁମେ ଶଶୁରଙ୍କର

ଭାଗ୍ୟ ବିଧାତା ମାତା

ସ୍ୱାମୀଙ୍କର ସହଧର୍ମିଣୀ ସହକର୍ମିଣୀ

ଅନୁଗାମିନୀ ପତିବ୍ରତା

ଜୀବନ ଦେଖିଛ ମୃତ୍ୟୁକୁ ହରାଇଛ

ବୁଦ୍ଧିମତୀ ତୁମ ବାକପଟୁତା

ଇହକାଳ ତୁମ ପରକାଳ ସ୍ୱାମୀଙ୍କୁ

ଛଡେଇ ଆଣି ଜଗତଜିତା

ତୁମେ ପରାସ୍ତ କଲ ଯମରାଜାଙ୍କୁ

ହୋଇ ବନିତା ଲତା ଦୁହିତା

ଯୁଗେ ଯୁଗେ ପ୍ରମାଣ ରଖିଗଲ ତୁମେ

ନାରୀ ନୁହେଁ ଅବଳା ଦୁର୍ବଳା ପିତା

ତୁମ ଯଶ କୀର୍ତ୍ତି ଗୌରବ କୀର୍ତ୍ତି ଗାଏ

ଆଜି ଏ ଦୁନିଆଁ ସାବିତ୍ରୀ ବ୍ରତ କଥା।