ସାବିତ୍ରୀ
ସାବିତ୍ରୀ
ସାବିତ୍ରୀ!
ପତି ସୁହାଗିନୀ
ସତୀ ଶିରୋମଣୀ
ମହିୟସୀ ମହାଭାରତୀୟ ନାରୀ
ଧିଶକ୍ତି ସମ୍ପର୍ଣ୍ଣା
କର୍ତ୍ତବ୍ୟ ଜ୍ଞାନ ଓ ଧୈର୍ଯ୍ୟ ବଳେ
ଅଟଇ ପ୍ରବୀଣା ।
ଲୋଡ଼ାନାହିଁ ଯାହାପାଇଁ
ନଡିଆ,କଦଳୀ,ସେଓ, ଆମ୍ବ କି ପଣସ
ସପୁରୀ, ଖଜୁରୀ ଆଉ ସପେଟା, ଅଙ୍ଗୁର !
ଲୋଡ଼ାନାହିଁ
ଶାଢ଼ୀ, ଚୁଡି, ଶଙ୍ଖା କି ସିନ୍ଦୁର
ଅଳତା,କୁଙ୍କୁମ ଆଉ ଦାମୀକିଆ ଶାଢ଼ୀ ।
ସତୀତ୍ଵର ସାମର୍ଥ୍ୟ ଦେଖାଇ
ପରାକାଷ୍ଠା ପୁଣ୍ୟ କୀର୍ତ୍ତି ବଳେ
ଯମଦ୍ୱାରୁ ଫେରେଇ ପାରିଲା ସେ
ସ୍ୱାମୀଙ୍କ ଜୀବନ
ଧନ୍ୟ ଦେବୀ!
ତୁମ ନିଷ୍ଠା ତୁମ ପରାକାଷ୍ଠା ।।