ସ୍ୱାର୍ଥପର ଋତୁ

ଶୀତ ଆସୁଛି

ଖୁବ ଜାକଜମକରେ

ମୋ ଜୀବନ ସହରର

ମୋର ପ୍ରତ୍ୟେକ ଅଙ୍ଗକୁ

ମୋ ପିଠିରେ

ଶୀତ ମାଡିଆସେ

ଅମାନିଆ ଦରଦାମର

ଉଇ ହୁଙ୍କା ଭିତରୁ ।

ମୋ ପ୍ରିୟାର ନରମ ପିଠିରେ

ଅଜସ୍ର ଯନ୍ତ୍ରଣା

ଚାଳ ଛପର ଘରରେ

ସ୍ୱଳ୍ପ ବେତନ ଭୋଗୀ

ଚାକିରିଆର ଅଜସ୍ର ଯାତନା

ସରକାରୀ ବଜେଟରେ

ଅର୍ଥର ଅଭାବ ।

ବଡଲୋକ ନେତାଙ୍କ

ମେଣ୍ଢା ଲୋମ କମ୍ବଳକୁ

ଶୀତ ସ୍ପର୍ଶ କରିପାରୁନି

ବସନ୍ତ ଖେଳୁଛି ତାସ

ସେମାନଙ୍କ ପ୍ରତ୍ୟେକ

କୋଠରୀ ଭିତରେ 

ଋତୁ ଚକ୍ର ବି ପାଳଟି ଯାଏ

ସ୍ୱାର୍ଥପର ଓ ନିର୍ମମ ।