ସ୍ୱାଧୀନତା ଦିବସ

        ଶିଶୁକବୀ ରୁଦ୍ରରୂପା ଵ୍ରହ୍ମା

ପ୍ରତିବର୍ଷ ପରି ଆସିଅଛି ଦେଖ

ଆମ ଅଗଷ୍ଟ ପନ୍ଦର ।

ସବୁ ବର୍ଷ ଠାରୁ ଅଲଗା ଭାବରେ

ପାଳନ ହେବ ଏଥର ।।

ତ୍ରିରଙ୍ଗା ଉଡିବ ଏକା ଏକା ଖାଲି 

ଆମ ସମସ୍ତଙ୍କ ବିନା ।

ଦୁଇ ତିନି ଜଣ ଯୋଦ୍ଧାଙ୍କ ସାଥିରେ

ଏହାକୁ ଆମେ ପାଳିବା ।।

ପତାକାକୁ ଧରି ସକାଳୁ ସ୍କୁଲକୁ

ଯିବେ ନାହିଁ ଆଉ ପିଲା ।

ପ୍ରଭାତ ଫେରିରେ ଦିଶିବନି ଧାଡି

ପିଲାଙ୍କର ଠେଲାପେଲା ।।

କରୋନା ଏଠାରେ କାଳ ସାଜି ପରା

ସବୁକୁ ବନ୍ଦ କରିଲା ।

ଉଡିବା ନିମନ୍ତେ ତ୍ରିରଙ୍ଗାକୁ କିନ୍ତୁ 

ଅଟକାଇ ନ ପାରିଲା ।।

ଆମ ସ୍ୱାଭିମାନ ଗଉରବ ଗାଥା 

ଉଡି କହେ ସେ ପତାକା ।

ମିଳିମିଶି ତାକୁ ସନମାନ ଦେବା

ତା ପାଖେ ନୁଆଇଁ ମଥା ।।

      ଷଷ୍ଠ ଶ୍ରେଣୀ, 

   ଚିକିଟୀ ଗଡ଼, ଗଞ୍ଜାମ