ଲାଇବ୍ରେରୀ
ପ୍ରୋଫାଇଲ୍
*ରଥର ରଶି*
*ରଥର ରଶି*
1 min
14
ଆଷାଢ଼ ମେଘ ଡାକେ ଆକାଶେ,
ବଡ଼ଦାଣ୍ଡ କମ୍ପେ ପାଦ ପଦେ,
ତିନି ରଥ ଠିଆ ସିଂହଦ୍ୱାରେ,
ଲକ୍ଷ ହାତ ଅପେକ୍ଷାରେ।
ନନ୍ଦିଘୋଷ ଡାକେ ଜଗତକୁ,
ତାଳଧ୍ୱଜ ଗାଏ ଭାଇପଣ,
ଦର୍ପଦଳନ ହସେ ନମ୍ରତା,
ତିନି ମିଶି ଏକ ଜୀବନ।
ରାଜା ହୋଇ ବି ଝାଡୁ ଧରେ,
ଛେରା ପହରା ଦେଖାଏ ପାଠ,
ଏଠି ସବୁ ସମାନ ମଣିଷ,
ନାହିଁ ଜାତି ନାହିଁ ବିରାଟ।
ମାଉସୀ ଘରକୁ ଯିବେ ଠାକୁର,
ସାତ ଦିନ ରହି ଫେରିବେ ଘର,
ଭକ୍ତିରେ ଭିଜି ଯାଉଛି ପୁରୀ,
ପ୍ରେମରେ ବନ୍ଧା ଏ ସଂସାର।
ଟାଣ ରେ ଭାଇ ରଥର ରଶି,
ପାପ ସବୁ ଯାଉ ଧୋଇ,
ଜଗନ୍ନାଥ ଆମ ମାନବତା,
ତାଙ୍କ ନାମେ ଦୁନିଆ ହସୁ ହସି।
*ଜୟ ଜଗନ୍ନାଥ!*
🙏🏻🙏🏻🙏🏻🙏🏻
- ମନୋଜ କୁମାର ବେହେରା -
