ରସାଳ ଫଳ ତରଭୁଜ

  

   ଆଣିବା ଗୋଟେ ତରଭୁଜ ll

ପଡ଼ିଛି ଭୀଷଣ ଗ୍ରୀଷମ l

     ଝାଳ ବହୁଛି ଗମ ଗମ ll

ତରଭୂଜରୁ ଖାଇ ଫାଳେ l

    ସ୍ନାନ କରିବା ଥଣ୍ଡା ଜଳେ ll

ଶରୀର ଶୀତଳ ରହିବ l

    ଗ୍ରୀଷମ କଷ୍ଟ ଲଘୁ ହେବ ll

ରଘୁକୁ କହେ ଚତୁର୍ଭୁଜ l 

     ଫଳ କେମନ୍ତ ତରଭୁଜ ll

ଚତୁରା ଭାଇ ମୋର ଶୁଣ l 

      କହୁଛି ତରଭୁଜ ଗୁଣ ll

ଏ ଫଳ ଅତୀବ ରସାଳ l

     ଚାଷ କରନ୍ତି ଚାଷୀ କୂଳ ll

ଫଳଟି ଅଟେ ଅର୍ଥକରି l

    ବଜାରେ ଆସେ ଗାଡ଼ି ଭରି ll 

ଭରା ଏ ଫଳ ମିଠା ଜଳେ l

   ଦଶଟଙ୍କାରେ ଗୋଟି ମିଳେ ll

ଥରଟେ ଯଦି ଦେବ ଚାଖି l

     ସ୍ଵାଦ ରହିବ ମୁଖେ ଲାଖି ll

ସବୁଜ ରଙ୍ଗ ଗୋଲ ଗୋଲ l

    ଭିତରେ ଶଶ ଲାଲ ଲାଲ ll

ନଦୀ ପଠାରେ ଫଳେ ଭାରି l

    ଆଗଙ୍ଗା ନର୍ମଦା କାବେରୀ ll

ଖରା ଦିନରେ ଭାରି ଫଳେ l

     ଚିତ୍ରିତ ଅନ୍ୟ ଜାତି ମିଳେ ll

ଔଷଧି ଗୁଣ ଅଛି ୟାର l

      ବାତ ନାଶକ କଫ ଜ୍ଵର ll

ଥରଟେ ଚାଖିଲେ ଜାଣିବୁ l

   ମୋ କଥା ମୋତେ ତୁ କହିବୁ ll

ଡେରି ନକରି ଯିବା ଚାଲ l

      ଖାଇବା ତର୍ଭୂଜ ରସାଳ ll