ରଙ୍ଗର ଖେଳ

ନାଲି ନାଲି ଓଠ

କଳା ବେଣୀ ଛାଟ

ହଳଦିଆ ପାଟ ନାଇ

ଗୋଲାପୀ ଗାଲରେ

କଳାଜାଇ ତଳେ

ଧଳା ଦନ୍ତ ପନ୍ତି ଥାଇ ।

କପାଳେ ସିନ୍ଦୁର

ଆଖିରେ କଜଳ

ଭୃଲତା ମୟୂର ପୁଚ୍ଛ

ନାକ ଠିଆ ଠିଆ

ଓଠ ଚୋଉଡ଼ିଆ

ଦରସନେ ସବୁ ତୁଚ୍ଛ ।

ଏତେ ନେଇ ରଙ୍ଗ 

ଅଙ୍କା ହେଲ ସାଙ୍ଗ

ସାକ୍ଷାତ ଦେବୀଙ୍କ ପରି

କାମନା ବାସନା

ଗୁଣରେ କଳ୍ପନା 

ହେବନାହିଁ ତୁମ ସରି ।

ଆଲୁଅକୁ ଦେଖି

ଝାସ ଦିଏ ମକ୍ଷି

ତୁଚ୍ଛା ଟାରେ ହୁଏ ବାଇ

ତୁମ ରୂପ ସଖି

ପ୍ରେମ ଭାବ ରଖି

ସତେକି ଗଛର ଛାଇ ।

ଆଖିକୁ ରଙ୍ଗରେ

ମନ କୁ ଢଙ୍ଗରେ

ଭାବନା ଜାଲରେ ପଡି 

ବୁଝିପାରେ ଅନ୍ଧ

ଚୌଉସଠି ବନ୍ଧ

ଜୀବନ ରଙ୍ଗରେ ବଢି ।