ରଙ୍ଗ ଅବିର

ଫଗୁ ଖେଳିବାକୁ ପ୍ରିୟାକୁ ଡାକିଛି

ଆସିବ ବୋଲି ସେ କହିଛି 

ସାତ ରଙ୍ଗକୁ ସଜେଇ ରଖିଛି

ପ୍ରୀତିରଙ୍ଗେ ମନ ରହିଛି 

ମନ ଆଜି ଅଭିମାନୀ ସାଜିଛି

ତା ଆସିବା ବାଟକୁ ଚାହିଁଛି...

ପୁଣି ଫଗୁଣ ବି ରଙ୍ଗ ନେଇ ଫେରିଛି 

ବୋଳିବାକୁ ପ୍ରେମ ରଙ୍ଗ ସଭିଙ୍କ ମନରେ

ପୁରୁଣା ସ୍ମୃତିକୁ ସତେଜ କରାଇ 

ଯୋଡ଼ି ହୁଏ ବାନ୍ଧି ହୁଏ ପ୍ରେମ ଡୋରୀ ।

ରଙ୍ଗ ଖେଳିବାକୁ ପସନ୍ଦ କରୁନଥିବା ମୁଁ

ରଙ୍ଗ ଖେଳିବାକୁ ପାଗଳ ଥିବା ତୁମେ 

ପରସ୍ପରକୁ ଟିକେ ରଙ୍ଗ ଲଗେଇବା ଆଉ

 ପରସ୍ପରର ରଙ୍ଗରେ ରଙ୍ଗେଇ ଯିବାକୁ

ଅପେକ୍ଷା କରିଥିବା ଆମେ l