ପୁରୁଣା ପୃଷ୍ଠା

ସ୍ମୃତିର ରୂପେଲୀ ଆସ୍ତରଣେ ସୂଜି

ଦିବ୍ଯ ଭାବ ମନୋରମ

ପ୍ରତି ମନେ ନିତି ଯେଉଁ ଅନୁଭୁତି

ଆଉ ଅନୁଭବ ମାନ ।

ଜାଗ୍ରତ ରହଇ  କରେ ଭାବମୟୀ

ଚିତ୍ତେ ତୋଳି ଆଲୋଡନ

ପୁରୁଣା ପୂଷ୍ଟାର ପାଠ ନିରନ୍ତର

ଆହା ! କେଡେ ମୂଲ୍ଯବାନ ।

ଶିକ୍ଷଣୀୟ ତତ୍ତ୍ବ ଗାରିମା ମହତ୍ତ୍ବ

ଧରି ଯେ ଆପଣା କୋଳେ

ପ୍ରାଣେ ଅନୁପମ ସ୍ରୁଜେ ଜାଗରଣ

ପଠନେ ଆମୋଦ ତୋଳେ ।

ଗତ କଥା ଲେଖା ଅତୀତ ସୁଶିକ୍ଷା

ସାଇତା ଥାଏ ଯେଉଁଠି  

ପୁରୁଣା ପୂଷ୍ଟାରେ ସାଉଁଟା ସ୍ମୂତିରେ

ପଢି ମନେ ଭରେ ତୂପ୍ତି ।

ପୁରୁଣା ପୃଷ୍ଠାକୁ  ସାଇତି ଯେ ରଖୁ

ବିଗତ ଜ୍ଞାନ ସଂଗ୍ରହେ

ପଢନ୍ତି ସଭିଏଁ  ଯାହା ବେଳେ ବେଳେ

ନବୀନ ଋଚି ଆଗ୍ରହେ ।

ଗତ ଇତିହାସ  ସମାଜ ବିକାଶ

ଜ୍ଞାନ ବିଜ୍ଞାନ ସଭ୍ଯତା

ପୁରୁଣା ପୂଷ୍ଟାରେ ଥାଏ ନିରନ୍ତରେ

ସାହିତ୍ଯାକାରେ ସାଇତା ।

ହୋଇ ରହି ଥାଏ  ପଢି ଯାଣି ହୁଏ

ଅତୀତ କାଳ ବିଷୟେ

ସାଇତି ରଖନ୍ତି  ଏଥି ଲାଗି ନିତି

ଯାହାକୁ ଆଦର ସ୍ନେହେ ।