ପୁଣ୍ୟ ଭୂମିର ଦାୟାଦ ଆମେଡ଼ିକାଲ

ପୁଣ୍ୟ ଭୂମିର ଦାୟାଦ ଆମେ

ଶାନ୍ତିର ପଥଚାରୀ

ଏକତା ଆମ ଦୁର୍ମୂଲ୍ୟ ଶକ୍ତି

ମୁକତି ଆମ ଶିରୀ

ହିମାଦ୍ରୀ ଆମ ରକ୍ଷା କବଚ

ପବିତ୍ର ଗଙ୍ଗା ଜଳ

ଚନ୍ଦନ ପରି ଧୂଳି କଣିକା

ସବୁଜ କ୍ଷେତ ବଳ

ଝରଣା ଗାଏ ଦେଶ ଗୀତିକା

ହୃଦୟେ ଭରେ ପ୍ରୀତି

ଅତୀତ ଗାଥା ଗରବେ କହେ

ଆମରି କଳାକୀର୍ତ୍ତି

ଗହଳ ବନ ଦେଶସେବାର

ବାରତା କହେ କାନେ

ବୀର ପୁରୁଷ ଅଭୂଲା ସ୍ମୃତି

ସାହସ ଭରେ ମନେ

ନୀଳ ସାଗର ଦୟାର ମୂଲ୍ୟ

ବୁଝାଏ ନିତିଦିନ

ଶାନ୍ତି ମଇତ୍ରୀ ଈଶ୍ୱର ଭକ୍ତି

ଆମର ମୁଖ୍ୟ ଧନ

ଚିର ମଳୟ ପବନ କହେ

ନିର୍ଭୀକ ଆମ ଜାତି

ଅହିଂସା ମନ୍ତ୍ର ସାରା ବିଶ୍ୱରେ

ଅରଜି ଅଛି ଖ୍ୟାତି

ପରାଧୀନତା ଆମ ବଇରୀ

କର୍ମକୁ କରୁ ପୂଜା

ଧତମ ଆମର ପ୍ରାଣରକ୍ଷକ

ଆମେ ତାହାରି ପ୍ରଜା

ପୂର୍ବ ସୁରୀଙ୍କ ରକତ ଧାର

ଭରିଛି ଦେହେ ପ୍ରାଣ

ବୀରତ୍ୱ ଗାଥା ସ୍ମରଣ କରି

ରଖିବା ଦେଶ ମାନ