ପଶୁପକ୍ଷୀ ଓ ମଣିଷ (ଭାଗ -୨)
ପଶୁପକ୍ଷୀ ଓ ମଣିଷ (ଭାଗ -୨)
ନେଉଳ କହଇ, ପୋଷ ମାନିବି,
ସାପ, ବେଙ୍ଗ, ମୂଷା, ଘଉଡ଼ାଇବି l
ସୁନ୍ଦର ପକ୍ଷୀ ମୁଁ, ନାମ ମୟୁର,
ପୂଛ ମେଳି ଦେଲେ, ଦିଶେ ସୁନ୍ଦର l
କଳାମେଘ ଦେଖି, ହୁଏ ମୁଁ ଖୁସି,
ନାଚି ଦେଲେ ଯାଏ ପାଣି ବରଷି l
ପକ୍ଷୀଶ୍ରେଷ୍ଠ ଅଟେ, ଗରୁଡ଼ ମୁହିଁ,
ସର୍ବଦା ବିଷ୍ଣୁଙ୍କ, ସେବାରେ ଥାଇ l
ବାହନ ଅଟେ ମୁଁ, ମା ଲକ୍ଷ୍ମୀଙ୍କର,
କୋରଡ଼ରେ ରହେ, ନାଁ ପେଚା ମୋର l
ମୂଷିକ ଅଟଇ,ମୁହିଁରେ ଭାଇ,
ପ୍ରଭୂ ଗଣେଶଙ୍କ ସେବାରେ ଥାଇ l
ପଶୁରାଜ ସିଂହ, ଅଟଇ ମୁହିଁ,
ଦୁର୍ଗାମାଆଙ୍କର, ସେବାରେ ଥାଇ l
ମୋ ପୃଷ୍ଠେ ବସିଲେ, ଜଗତ ମାତା,
ମହିଷା ବଧିଣ, ଜଗତ ଜିତା l
କୃମ ଅବତାରେ, ସିନ୍ଧୁ ମନ୍ଥନ,
ମନ୍ଦର ପର୍ବତ, କଲେ ଧାରଣ l
ମସ୍ୟ ଅବତାରେ, ଶ୍ରୀନାରାୟଣ,
ଶଙ୍ଖାସୁର ବଧି, ରଖିଲେ ମାନ l
ଶ୍ରୀରାମଙ୍କ ସାଥେ, ସର୍ବଦା ଥାଇ,
ଜୀବନ ଅର୍ପିଲୁ ତାଙ୍କରି ପାଇଁ l
ଅଟୁ ଭାଇ ଆମେ, ବାନର ଜାତି,
ଶ୍ରୀରାମ ପୟରେ କରୁ ଭକତି l
ଦେବ, ନର, ସୁର, ସେବାରେ ମୁହିଁ,
ରହିଛି ରହିବି ସଦାରେ ଭାଇ l
ତଥାପି ବୁଝୁନି, ଏହି ମଣିଷ,
ସଭିଙ୍କ ମନରେ,ଭରଇ ବିଷ l
ପଶୁପକ୍ଷୀଙ୍କର, କରେ ବିନାଶ,
ହୋଇଯିବ ଦିନେ, ସେ ସର୍ବନାଶ l
ପଶୁପକ୍ଷୀ ଆଉ, ଉଦ୍ଭିଦ ଯେତେ,
ପ୍ରକୃତରେ ମିତ୍ର,ଅଟନ୍ତି ସତେ l
ସଭିଏଁ କରିବା, ତାଙ୍କୁ ଆଦର,
ଉପଦେଶ ଅଟେ, ଦ୍ୱିତୀୟ ମୋର ।।