ପ୍ରତ୍ୟାଖ୍ୟାନ
ପ୍ରତ୍ୟାଖ୍ୟାନ
ସବୁଜିମା ଭରା ସୌନ୍ଦର୍ଯ୍ୟର ପ୍ରେମ
ପ୍ରକୃତି କୋଳେ ଖଞ୍ଜିଛି
ଅଥଚ ଜଞ୍ଜାଳଗ୍ରସ୍ତ ମନ
ତାରେ ,ପ୍ରତ୍ୟାଖ୍ୟାନ କରି ଚାଲିଛି l
କଂକ୍ରିଟ ସହରରେ ନିତି ପ୍ରତିଦିନ
ଭାଜି ହେଉଥାଇ ମଣିଷ
ରୋଟିନ ବନ୍ଧା ଜୀବନରେ ଦେଖ
ଲୁଚି ଯାଇଅଛି ହୃଦୟୁ ହସ l
ନୀଳ ଆକାଶର ଭସା ବାଦଲରେ
କେତେ ସୁନ୍ଦରତା ସତେ ଲୁଚିଛି
କର୍ତ୍ତବ୍ୟରେ ସନ୍ତୁଳିତ ମଣିଷ
ପ୍ରତ୍ୟାଖାନ କରି ରାସ୍ତା ଚାଲିଛି l
ନଦୀ ସାଗରର ମନ ଛୁଆଁ କଥା
ହୃଦୟ ଆବୋରି ବସିବା ବେଳେ
ନା ହସିପାରେ ନା କାନ୍ଦିପାରେ
ସମୟ ତାସାଥେ ଲୁଚକାଳି ଖେଳେ l
ହୃଦୟକୁ ବନ୍ଧା ଦେଇ ଚାଲି ଆସେ
ସମସ୍ୟାଭରା ଅଲୋଡ଼ା ଅଣ୍ଟିରେ
ପକ୍ଷୀର ଡାକ ଫୁଲ ମହକ
ମନଧ୍ୟାନ ବାରେ କିମୋହି ପାରେ l
ଜୀବନର ଧାଁ ଦୌଡେ, ନାହିଁ ଫୁରୁସତ୍
ଅଣ ନିଃଶ୍ୱାସୀ ଏ ନାଚାର ମଣିଷ
ସମୟର ତାଡ଼ନାରେ ନିଜକୁ ବୁଡାଇ
ଆପଣା ଛାଏଁ ସେ ହୁଏ ଅବଶ l
ନିଜ ବାଟ ନିଜେ ଭାଙ୍ଗଇ ଗଢଇ
ବିଶାଳତାର ତୁଟାଇ ଧର୍ଯ୍ୟ
ପ୍ରତ୍ୟାଖ୍ୟାନ କରି ଚାଲେସେ ଆଗକୁ
ପ୍ରକୃତିର ସମସ୍ତ ଐଶ୍ୱର୍ଯ୍ୟ l