ପ୍ରତିକ୍ଷା

ନୁହେଁ ମୁଁ କୋଣାର୍କ 

ମୋ' ନିଜର ଅର୍ଦ୍ଧଭଗ୍ନ ଶରୀରକୁ ନେଇ 

ଇତିହାସ ପୃଷ୍ଠାରେ ଝଲସିବି। 

ନୁହେଁ ମୁଁ ଭାରତ ବର୍ଷ 

ମୋ' ଅତୀତ ପୃଷ୍ଠାରୁ 

ବିଛିନ୍ନ ପାକିସ୍ତାନ ଓ 

ବଙ୍ଗଳା ଦେଶର 

ସ୍ମୃତିକୁ ସାଉଁଟୁଥିବି। 

ନୁହେଁ ମୁଁ ସଲିମ୍ 

କି ତୁମେ ଅନାର୍କଲି 

ତୁମ ପାଇଁ ମୁଁ ଜୀବନ୍ତ ସମାଧି ନେବି। 

ମୁଁ ଏକ ସାଧାସିଧା ମଣିଷ 

ଆଶାର ନିବୁଜ ମିନାର ମଧ୍ୟେ 

ଯନ୍ତ୍ରଣାର ଦୀର୍ଘଶ୍ବାସ କ୍ଯାଣ୍ଡେଲ୍ ଜଳାଇ 

ପ୍ରତୀକ୍ଷା କରିଛି 

ତୁମେ ଆସ,

ତୁମେ ଆସ -

ମୋ' ଅନ୍ଧକାର ଜୀବନରେ 

ତୁମ ପ୍ରୀତିର ବର୍ତ୍ତିକା ଜଳାଇ 

ପ୍ରଜ୍ଜ୍ବଳିତ କର 

ମୋର ଅୟୁତ ସ୍ବପ୍ନକୁ।