💖🌹ପ୍ରତୀକ୍ଷା 💖🌹

ଆଖି ପଲକରେ ହଜି ଯାଅ ଯେବେ 

  ପାଏନି ତମକୁ ଖୋଜି 

ପାଶେ ଆସ ମୋର ସପନ ନାୟିକା 

  ଦିଏ ଯେବେ ଆଖି ବୁଜି ll 

ଅପଲକ ନେତ୍ରେ ଦେଖିନି କେବେ ମୁଁ 

    ତମ ସେ ସୁନ୍ଦର ତନୁ 

ସୁଷମାରେ ଭରା ଅଷ୍ଟାଙ୍ଗ ଶରୀର 

    କେମିତି ଭୁଲିବ ମନୁ ll

     

ହସି ଦେଲେ ଝରେ ଅମୃତର ବାରି 

    ଦୁଇ ଓଠ ଯାଏ ମେଲି 

ତିରିଛି ନଜରେ ହୃଦ ମୋ ଜଳାଅ

    ସ୍ୱପ୍ନେ ଦେଖା ଦିଅ ଖାଲି ll

    

 ପାରୁନି ଏ ମନ ନିଜକୁ ସମ୍ଭାଳି 

     ଖୋଜେ ଏ ଦୁନିଆ ଧାରେ 

କେବେ ଧରା ଦେବ ମୋ ମନ ମାନସୀ 

   ମୋ ଭଙ୍ଗା ହୃଦୟେ ଘରେ ll

    

ସଜାଇ ରଖିଛି ରଜନୀଗନ୍ଧାର 

   ଗଜରା ଦେବି ଗଭାରେ 

ତମ ଆସିବାର ବାଟ ଚାହିଁ ବସେ

  ନିତି ଦିନ ପ୍ରତୀକ୍ଷାରେ ll