ପ୍ରକୃତି

ନଦୀ,ପବନ,ଆଲୋକ ଓ ବୃକ୍ଷ

ହଜାଇ ଦିଅନ୍ତି ନିଜକୁ

ଦାନରେ ଦାନରେ।

କଂସ,ରାବଣ ଓ ମହିଷାସୁର

ଦୁର୍ମତିରେ ମସଗୁଲ 

ଅଥଚ ଶ୍ରୀରାମ...

ପରିବାର କାହିଁକି ପତ୍ନୀକୁ ବି ହରେଇ ଦେଲେ

ତ୍ଯାଗରେ ତ୍ଯାଗରେ।

ନିମର ସ୍ବାଦ ପିତା

ତେନ୍ତୁଳିର ସ୍ବାଦ ଖଟା

ଅଙ୍ଗାରର ରଙ୍ଗ କଳା ତ

ଘୁଷୁରୀ ପ୍ରକୃତି ପଙ୍କରେ ଲୋଟିବା

ଆଉ ବି କୁକୁରର ଲାଞ୍ଜ ବଙ୍କା,ନୁହେଁ?

ଅତଏବ !

ପ୍ରକୃତିକୁ କିଏ ଛାଡି଼ଛି ନା ଛାଡି଼ବ? 

ଆପଣ କି ମୁଁ ବି ନୁହେଁ?

ଦେବା ନୁହେଁ,ନେବାକୁ ହିଁ ଚାହୁଁଛୁ

ସ୍ବାର୍ଥରେ ସ୍ବାର୍ଥରେ 

ଭରପୂର କାମନା ଜ୍ଜାଳାରେ।

ପ୍ରକୃତି କ'ଣ କି?

ଗୋଟେ ଈଶ୍ବର ଦତ୍ତ ଦାନ

ଶୃଙ୍ଖଳିତ ସମାଜ ଓ ରାଷ୍ଟ୍ର ଚାଲିବାକୁ,ନୁହେଁ?