ଢଳ ଢଳ ତୋର ନୟନ ଯୁଗଳ
ମୁହଁଟା ସତେକି ଚାନ୍ଦ
ଅଙ୍କା ବଙ୍କା ତୋର ଚାଲି ଦେଖି ଲାଗେ
ସତେକି ଓଡିଶୀ ଛନ୍ଦ
ମଥାର ଟିକିଲି ଲାଗୁଛି ଯେମିତି
ଆକାଶର ତାରା ପରି
ଖିଲି ଖିଲି ତୋର ହସରୁ ସତେକି
ମୁକୁତା ପଡୁଛି ଝରି ।
କଳା ମେଘ ପରି ଦିଶୁ ଅଛି ସତେ
କଳା କଳା ଘନ କେଶ
ରୂପ ରଙ୍ଗ ତୋର ଦେଖିଲେ ଲାଗୁଛି
ଅପସରି ପରି ବେଶ ।
ହସିଦେଲେ ତୁହି ଗାଲରେ ତୋହର
ଏମିତି ଭଉଁରୀ ଖେଳେ
ସତେକି ଯେମିତି ଭଉଁରୀ ପଡିଛି
ନୀଳ ସାଗରର ଜଳେ ।
ଦେଖି ଦେଲେ ଆଖି ଯାଉଅଛି ଲାଖି
ଏମିତି ସୁନ୍ଦରୀ ତୁହି
ରହିଥିଲେ ତୁହି ପାଖରେ ମୋହର
ଆଉ କିଛି ଲୋଡ଼ା ନାହିଁ ।