ପ୍ରିୟା ସହ ଆଳାପ( ୧)

ମୁଖ ପୁସ୍ତିକା ରୁ ଖୋଜି ଖୋଜି ଆଜି

   ପାଇଲି ପ୍ରିୟା ର ଫଟୋ

ମଳିନ ଦିଶୁଛି କନକ ଗୋରୀ ମୋ 

    ଶୁଖି ଯାଇଛି ତା ଓଠ ।

ଫଟୋ କୁ ଚାହିଁ କହିଲି ସୁନ୍ଦରୀ 

  ଭଲ ଅଛି କି ଗୋ ତୁମେ ?

କହିଲା ବଦନ ଅବନତି କରି

 ଭୁଲି ନ କି ମୋତେ ତୁମେ ?

କହିଲି ରୂପସୀ ପ୍ରଥମ ପ୍ରେମକୁ 

  ଭୁଲିପାରେ କିଏ କାଳେ 

ଜହ୍ନ କି ଭୁଲଇ କଇଁ ର ପ୍ରେମକୁ

 ଏତେ ଦୂରେ ଥାଇ ହେଳେ ? ।

ମନ୍ଦେ ମନ୍ଦେ ହସି କହିଲା ମାନସୀ

  କାହିଁ କଲେ ମୋତେ ଦୂର ?

କହିଲି ଗୋରୀ ଲୋ ମୋତେ ଘେରି ଥିଲା

    ଅଧ୍ୟୟନ ର ପ୍ରାଚୀର ।

ଚାରୁ ଘନ କେଶୀ ସଧିରେ କହିଲା 

  କହିଥାନ୍ତ ଯଦି ମିଶାଇ ଆଖି

ତୁମେ ମୋର ପ୍ରିୟା ମୁଁ ଖାଲି ତୁମର

   ପ୍ରେମ ଆମ ମୂକ ସାକ୍ଷୀ ।

ଡରି ଗଲି ପ୍ରିୟା କାଳେ ଦୂରେଇବ

  କରି ଦେଇ ମୋତେ ପର

ଭାବି ଭାବି କେବେ କହିପାରେ ନାହିଁ

    ହେଇ ରହି ଥାଅ ମୋର ।

ଏହି ସମୟରେ ଦୂର ଗ୍ରାମେ କାହିଁ

   କୁକ୍କୁଟ ଟା ଡାକ ଦେଲା 

କହିଲି ସୁନ୍ଦରୀ ପରେ ଦେଖା ହେବ 

   କର୍ତ୍ତବ୍ୟ ର ବେଳ ହେଲା ।

              କ୍ରମଶଃ ------