ଲାଇବ୍ରେରୀ
ପ୍ରୋଫାଇଲ୍
ପରିଚୟ
ପରିଚୟ
1 min
355
ଇଚ୍ଛା ହୁଏ ଉଡିବାକୁ
ମୁକୁଳା ଆକାଶଟେ ପାଏନା
ନଈରୁ କେନାଲ ଯେଣୁ
ଇଚ୍ଛାନୁଯାୟୀ ବହି ପାରେନା।।
ଗୋପନେ ଝୁରଇ ନିତି
ଖୋଜେ କିଛି ନିଆରା
ଭିତରେ ଜଳେ କୁହୁଳି
ବାହାରେ ମେଲେ ଖୁସି ପସରା।।
ହସିବାକୁ ମନ କୁହେ
ସମାଜ କରେ ବାରଣ
କାନ୍ଦିବାକୁ ଇଚ୍ଛା କିନ୍ତୁ
ନାହିଁ ସେଇ ସ୍ୱାଧୀନ।।
ଶୈଶବ କଟେ ମୋର
ବାପା ଭାଇ ଅଧିନେ
ଯୌବନ ତାରୁଣ୍ୟ ବିତେ
ଶାଶୁ ଘର ବନ୍ଧନେ।।
ବାର୍ଦ୍ଧକ୍ୟ ଡରେ ମୋର
ପୁଅବୋହୁ କଷଣେ
କେଉଁଟି ମୋ ଘର ପରିଚୟ
ଖୋଜେ ନିତି ଗୋପନେ।।
