ପରିବର୍ତ୍ତନ

ଖୋଜୁଥିବା ସାହାରା

ଆବଶ୍ୟକ ଅର୍ଥ

ଜୀବନକୁ ଦେଖାଏ 

ବଞ୍ଚିବାର ପଥ ।

ପାଇବାର ଅପେକ୍ଷାରେ 

ଆୟୁଷ ସାରୁଥିବା ଜୀବନ

ନିରାଶ ହେବା ପରେ 

ଖୋଜିବା ଅପେକ୍ଷା 

ବଞ୍ଚିବାକୁ ପସନ୍ଦ କରେ ।

ଇଚ୍ଛା ସବୁକୁ ଭସେଇ ଦେଇ

ସ୍ବପ୍ନକୁ ଶୁଖାଇ ଲୁହରେ

ପାଇବା ବଦଳରେ ବାଣ୍ଟିଚାଲେ,

ଆଶା, ନିଶା ଅଳ୍ପ ଅବଧି ଭିତରେ

ପାହାଡ଼ିଆ ଛାତି ଖୋଜିବୁଲେ ।

ମୁଣ୍ଡ ଟେକୁଥିବା ସ୍ବପ୍ନ

କଏଦୀ ପାଲଟିଯାଏ,

ଲୋଡ଼ାଥିବା ଦୁଇ ହାତ

ପରିବର୍ତ୍ତନ ବାଧ୍ୟକରେ ।

ହସିବା ବୟସରେ ହସେଇବାକୁ ହୁଏ

କାନ୍ଦିବା ବୟସରେ ଲୁହ ପୋଛିବାକୁ ହୁଏ

ପରିବେଶ ପରିବର୍ତ୍ତନକୁ ଅନିଚ୍ଛା ସତ୍ତ୍ୱେ

ସ୍ୱାଗତ କରିବସେ ।।