ପ୍ରେମ
ପ୍ରେମ
ପ୍ରେମ ନୁହେଁ ଏକ ମିଛ ବାଲିଘର
ହାତେ ଗଢି ଭାଙ୍ଗିଦେବି
ପ୍ରେମ ନୁହେଁ ଏକ କାଗଜ ଡଙ୍ଗା
ତାକୁ ନଈରେ ଭସେଇ ଦେବି ।
ପ୍ରେମ ନୁହେଁ ଏକ ଫୁଲର ବଗିଚା
ହାତରେ ଉଜାଡି ଦେବି
ପ୍ରେମ ନୁହେଁ ଏକ ତୂଳୀ ଅଙ୍କା ଛବି
ତାକୁ ଦେହରେ ମୁଁ ବୋଳି ହେବି ।
ପ୍ରେମ ନୁହେଁ ଏକ ପାହାନ୍ତି ଫଗୁଣ
ରାତି ଫେରିଗଲେ ସରିଯିବ
ପ୍ରେମ ନୁହେଁ ଏକ ହାତ ଲେଖା ଚିଠି
ଚିରିଦେଲେ ତାକୁ ଚିରିଯିବ ।
ପ୍ରେମ ନୁହେଁ ଏକ ଟୁକୁରା କାଗଜ
ଜାଲରେ ସେ ଭାସିଯିବ
ପ୍ରେମ ନୁହେଁ ଏକ ଛୋଟ ଧୂଳିକଣା
ତାକୁ ପବନ ଉଡେଇ ନେବ ।
ପ୍ରେମ ନୁହେଁ ଏକ ମଞ୍ଚର ନାଟକ
ଆଲୋକ ଲିଭିଲେ ସରିଯିବ
ପ୍ରେମ ନୁହେଁ ଏକ ଗପର ନାୟିକା
ତାର ଭୂମିକାକୁ କାଟିହେବ ।
ପ୍ରେମ ନୁହେଁ ଏକ ଛୋଟ ଚଢ଼େଇଟେ
ଦେଣା ଝଡି ଉଡ଼ିଯିବ
ମିଠା ସପନକୁ ଦେଖେଇ ସିଏ
ମୋତେ ଛାଡ଼ି ଚାଲିଯିବ।