ପ୍ରେମ ଋତୁ

ପ୍ରେମ ଋତୁ ଏହି ଆସିଛି ବସନ୍ତ

ଶୋଭା ପରିପୂର୍ଣ୍ଣ ବିଦିଗ ଦିଗନ୍ତ ।

ଋତୁ ରାଜ ସାଜି ରାଜକୀୟ  ବେଶ

ଭୂଷଣ ମଣ୍ଡିତ ଚାରୁ ପ୍ରକୃତି ପ୍ରକାଶ ।

ପାଇଛି ବର୍ଣ୍ଣାଢ଼୍ୟ ତର ଉପମା

ଦେବା କୁ ନାହିଁ କି ଦିଶେ ଅନୁପମା ।

ପ୍ରେମ ପ୍ରଣୟ ଆନନ୍ଦ ରେ ଭରା

ପ୍ରେମୀ ଜନ ମନେ ଜାଗେ ଉଦ୍ଦୀପନା ।

ବିହଙ୍ଗେ ଗାଇ ଗାଇ ସୁମଧୁର ଗୀତି

ପ୍ରେମିକ ପ୍ରେମିକା ପ୍ରାଣ ଉଲ୍ଲାସନ୍ତି ।

ଉତ୍ତେଜନା ଅନୁଭବ ନିରନ୍ତର

ସୃଜି ପ୍ରେମେ ଆକର୍ଷାଇ ଏ ଅନ୍ତର ।

ମିଳନ ପାଇଁ କି ବ୍ୟାକୁଳ କରାଏ

ଫୁଲ ଗନ୍ଧ ଫୁଲ ଶର ନିତି ବରଷାଏ ।

କି ରୋମାଞ୍ଚ କର ଏ ବସନ୍ତ କାଳ

ଅପରୂପ ସୌନ୍ଦର୍ଯ୍ୟ ଧାରା ଅତୁଳ ।

ସମୃଦ୍ଧି ସବୁଠି ରାଜେ ରୁଚିର ତର

ଋତୁ ରାଜ ଏହି ପ୍ରେମ ସୁମଧୁର ।

ସୁଖକର ସୁସୁନ୍ଦର ମିଳନ ମାଧୁରୀ

ପ୍ରୀତି ଅନୁରାଗ ପ୍ରବାହକୁ ଜାରି ।

ରଖି କରେ ପ୍ରେମ ମୟ ଏ ମରତ

କିସୁନ୍ଦର ପ୍ରେମ ଋତୁ ଏ ବସନ୍ତ ।