ପ୍ରେମ ପୁଲକ

ପୁଲକେ ପୁଲକେ ମୋର ମନ ଡାକେ

ଆସ ପ୍ରିୟ ସିନ୍ଧୁ ତୀରେ

ସୈକତିନୀ ରାଜ୍ୟେ ମହଲ ଗଢିଛି

ନିଶୀ ବିଜନ ବେଳାରେ ।

ଅଧରେ ମଧୁର ପ୍ରୀତିର ସଂମ୍ଭାର

ମନ ଝୁରେ ତୁମ ସ୍ନେହ 

ନୟନେ ଲେପିତ ଆଶାର କଜ୍ଜଳ

ହୃଦୟେ ଜଗାଏ ମୋହ ।

ଘନ କବରୀରେ ଗୋପନ ରଖିବି

ଜଗତର ଅନ୍ତରାଳେ

ନୟନ ଇଶାରେ ଚପଳା ନାଚିବ

ଶୃଙ୍ଗାର ସ୍ବରର ତାଳେ ।

ପ୍ରାଣ ବୀଚିମାଳା ଗୁନ୍ଥିଛି ହେ ମାଳା

ପ୍ରୀତି ସଉଗନ୍ଧ ଭରି

ଅଭିସାରିକା ମୁଁ କାହା ପାଇଁ ଆଜି

ଜୋଛନା ସୁପାତି ପାରି ।

କଟି ର କିଙ୍କିଣି ଦେହ ମନ ଜିଣି

ଭାବ ପଲଙ୍କେ ବସାଇ

ପ୍ରୀତେ ମିତଭାଷି କ୍ଷଣେ ଚୁମ୍ବି ତୋଷି

ରଖିବ ସାଥେ ରସାଇ ।

ପାଦର ନୁପୁର ଗାୟନେ ମୁଖର

ସତେ ଶ୍ରାବଣର ଧାରା

ତୁମ ପଥ ଚାହିଁ କୁସୁମ ବିଛାଇ

ଚାତକ ଏ ଆଖି ତାରା ।